Historjjálaš arkiiva

Soahpan ođđa boazodoallošiehtadusa

Historjjálaš arkiiva

Almmustahttináigodat Regjeringen Stoltenberg II

Almmustahtti: Eanandoallo- ja biebmodepartemeanta

Norgga Boazosápmelaččaid Riikkasearvi (NBR) ja Stáhta soabaiga guovvamánu 20.b. ođđa boazodoallošiehtadusa áigodahkii 01.07.2013-30.06.2014. Šiehtadus mielddisbuktá ekonomalaš doaibmabijuid boazodoalloealáhussii oktiibuot 109,5 miljovnna ruvnno ovddas. Dát lea 5,0 miljovnna ruvnno lassáneapmi dálá boazodoallošiehtadusa ektui.

Norgga Boazosápmelaččaid Riikkasearvi (NBR) ja Stáhta soabaiga guovvamánu 20.b. ođđa boazodoallošiehtadusa áigodahkii 01.07.2013-30.06.2014. Šiehtadus mielddisbuktá ekonomalaš doaibmabijuid boazodoalloealáhussii oktiibuot 109,5 miljovnna ruvnno ovddas. Dát lea 5,0 miljovnna ruvnno lassáneapmi dálá boazodoallošiehtadusa ektui.

Eanet njuovvan ja gálvojohtu
2013/2014 boazodoallošiehtadusa váldomihttomearri lea láhčit dili dasa ahte njuvvo eambbo ja vuvdo eanet bohccobierggu. 

Eanandoallo- ja biebmoministtar Trygve Slagsvold Vedum lea hui duhtavaš go áššeoasálaččat leat soahpan šiehtadusa. Šiehtadus addá vuođu bajidit ovttaskas boazodoalli dietnasa. Dat maid joatká láhčime dili sidjiide geain boazodoallu lea váldoealáhussan, dadjá Slagsvold Vedum. 

Geavahannjuolggadusaid čuovvoleapmi gáibida ahte njuvvojit eanet bohccot. Dáinna vuolggasajiin, leat šiehtadusoasálaččat oaidnán dehálažžan ahte Boazodoallošiehtadus 2013/2014 earenoamážit vuoruha doaibmabijuid mat mielddisbuktet eanet njuovvamiid ja gálvojođu bohccobierggus. Dán barggus lea hui dehálaš ahte váikkuhangaskaoamit boazodoallošiehtadusa bokte ovttastahttojuvvojit nu ahte beaktileamos lági mielde olaha biddjojuvvon mihtuid.

Boazodoallošiehtadus 2013/2014 dahká juste dan go dat láhčá dili dasa ahte olahit boazodoallopolitihkalaš mihtuid buot lađđasiin. Boazodoalu infrastruktuvra nannejuvvo. Boazodoallit movttiidahttojuvvojit njuovvat eambbo go buvttadusguvllot doarjja oažžu sierra lasáhusa. Galgá ásahuvvot oktasaš klassifiserenvuogádat bohccobirgui 2013/2014 njuovvanáigodaga rádjái. Seammás galgá ásahuvvot ođđa raporterenvuogádat mii sihkkarastá dađistaga raporterema njuovahat- ja viidáset reiden fitnodagain. Rievttes raporteren lea mearrideaddji Márkanlávdegotti bargui. Dasa lassin lea Bohccobierggu márkanlávdegotti bušeahtta bajiduvvon vai sáhttá nannet láhčime dili boahtte čavčča áŋggirdemiide. 

Boazologu heivehanbarggus lea doaimmain okta dat ahte ahkemearri vuoliduvvo ohcat árrapenšuvnna 62 jagis 57 jahkái. Lassin rahppojuvvo vejolašvuohta dasa ahte sáhttá addot árrapenšuvdna dan áigodahkii goas addo šihttojuvvon penšuvnna. 

Boazoprográmma jotkojuvvo. Boazoprográmma galgá earenoamážit láhčit dili ásahuvvon bohccobiergofitnodagaid viidáset ovddideapmái. Seammás siskkilda dat maiddái boazoealáhusa mátkeealáhusvuđot ealáhusovddideami ja ovttasbargodoaimmaid gaskal boazodoalu ja reidenfitnodagaid prográmmas.

Norgga Boazosápmelaččaid Riikkasearvvi šiehtadallanjođiheaddji Nils Henrik Sara ja Stáhta šiehtadallanjođiheaddji ekspedišuvdnahoavda Anne Marie Glosli vuolláičálliba dálá šiehtadusa.
Norgga Boazosápmelaččaid Riikkasearvvi šiehtadallanjođiheaddji Nils Henrik Sara ja Stáhta šiehtadallanjođiheaddji ekspedišuvdnahoavda Anne Marie Glosli vuolláičálliba dálá šiehtadusa. (Govven: EBD )
Deaddel govaid jus áiggut stuorát formáhttii daid. Govaid oažžu beare geavahit.
Deaddel govaid jus áiggut stuorát formáhttii daid. Govaid oažžu beare geavahit. (Govven: EBD)