Historjjálaš arkiiva

Spealloruhtadoarjaga duppalastin sámi valáštallamii jagis 2018

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Ráđđehus lea juohkán 1,5 mill. ruvnno spealloruhtadoarjjan sámi valáštallamii jagis 2018. Submi lea duppalit nu olu go jagis 2017.

- Árbevirolaš earenoamáš sámi valáštallansuorggit leat guovddážis otná sámi kultuvrras. Mun lean ilus go ráđđehus dán jagi duppalastá doarjaga spealloruđain sámi valáštallamii. Dáinna lasáhusain addit mii čielga signála Sámediggái ahte mii dáhttut vuoruhit sámi kultuvrra fuolaheami, dadjá kulturministtar Trine Skei Grande.

Sámediggi oažžu jahkásaččat doarjaga spealloruđain valáštallandoaimmaide. Ulbmil lea doarjut ja seailluhit árbevirolaš sámi valáštallama. Árbevirolaš sámi valáštallan lea organiserejuvvon golmma valáštallansurggiide: Heargegilvovuodjin, čuoigan-njoarosteapmi (dálvet) ja meahcceviehkan njoarostemiin ja njoarosteami haga (geasset).