Historjjálaš arkiiva

Stáhta fállá 109,5 miljovnna kruvnnu 2015/2016 Boazodoallošiehtadussii

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Stáhta šiehtadallanlávdegoddi geigii otne iežaset boazodoallošiehtadusa fálaldaga. Stáhta šiehtadallanlávdegoddi árvala 109,5 miljovnna kruvnnu sturrosaš ekonomalaš rámma. Dat lea 2,0 miljovnna unnit go dálá šiehtadus.

2015/2016 Boazodoallošiehtadusa fálaldagas čujuhuvvo ahte lea politihkalaš mihttomearri  ovddidit boazodoalu beaktilis márkanheivehuvvon ealáhussan mii lea gánnáhahtti guhkesáiggi perspektiivvas.

Boazologuheiveheami loahppa proseassas lea dehálaš bisuhit dálá doarjjavuogádaga   váldolinjjáid gos njuolggodoarjagat leat čadnon buvttadanárvui. Dat doalaha stáđisvuođa ja diehttevašvuođa boazodoallošiehtadusa ortnegiid ektui. Dat lea maid mielde doarjumin daid boazodolliid geat čuvvot boazologu geahpedanmearrádusaid. Dan oktavuođas čujuhuvvo ahte dat siiddaoasit geat eai čuovo geahpedanmearrádusaid eai oaččo doarjagiid.  

Stáhta šiehtadallanlávdegotti mielas lea dárbbašlaš geahčadit olles árvogollosa duoddaris borranbeavdái, dainna ulbmilin ahte oažžut sadjái čielga dieđuid njuovvanbohccuidlogus ja  álkidahttit njuovvanbohccuid bearráigeahču, ja láhčit dili nu ahte tienas loktejuvvo juohke boazoeaiggádii. Stáhta šiehtadallanlávdegoddi oaivvilda ahte berrešii ásahit bohccobierggu várás ođđa geatnegahtti raporteren- ja klassifiserenvuogádaga, ja háliida divaštallat dán ášši NBR:in šiehtadallamiid oktavuođas. Ođđa oktasaš raporterenvuogádat mielddisbuvttášii njuovžileabbo raporterema ja livččii ollu álkit hálddašit go dálá vuogádat.  Ođđa klassifiserenvuogádat bálkkašivččii buriid njuovvanbohccuid ja movttiidahtášii boazoeaiggádiid njuovvat ja buvttadit eanet juohke bohcco ovddas. 

Dát fálaldat addá ealáhussii buriid vejolašvuođaid eanet njuovvat ja vuovdit bohccobierggu. Dat lea dehálaš eanet vuovdit ja boazologu geahpedit dain guovlluin gos leat menddo ollu bohccot, ja ahte bohccobiergosuorgi nákce buvttadit nu ollu go vejolaš vai  bohccobierggu márkansajádat sihkkarastojuvvo ja ovddiduvvo, cealká Anne Marie Glosli, gii lea Stáhta šiehtadallanjođiheaddji.