Stuorradiggedieđáhus báikkálaš rádio birra: Buoret eavttut maŋŋil teknologiijamolsuma

Almmustahttináigodat Solberga ráđđehus

Almmustahtti: Kulturdepartemeanta

- Norske báikkálaš rádiot ožžot ođđa vejolašvuođaid ja eanet friddjavuođa, dadjá kulturminister Thorhild Widvey.

Liŋka stuorradiggedieđáhussii báikkálašrádioid rámmaeavttuide (girjedárogillii) 

Norgga rádio digitaliserejuvvo jagi 2017:s, gáibádusat mat mearriduvvojedje dalle go Stuorradiggi mearridii FM-luohpaheami jagi 2017:s lea ollašuhttojuvvon. Nu movt eaktuduvvon Digitálarádiodieđáhusas (ođđadárogillii) ovddida ráđđehus dál stuorradiggedieđáhusa báikkálaš rádioid birra. Nu movt Stuorradiggi lea mearridan de guoská luohpanmearrádus sihke stuorit kommersiealla báikkálaš rádioide ja riikkaviidosaš rádiokanálaide jagi 2017 rájes. Dát guoská 23 sullii 230 báikkálaš rádioide. 22 dáin 23 báikkálaš rádioin sáddejit dál juo DAB vuogádaga bakte.

- DAB dagaha stuorit valljivuođa maiddái báikkálaš rádioide. Boares FM-fierpmádagas lei sadji dušše muhttin báikkálaš kanálaide. DAB vuogádagat lea sadji gaskal 15 ja 20 kanálaide juohke áidna báikkálaš fierpmádagas, dadjá Widvey.

Sáddenlobiortnega sadjái boahtá eaŋkilis logahallan Mediabearráigeahčus.

- Stáhta bargu ii leat báikkálaš rádioid sisdoalu reguleret, muhto sidjiide láhčet nu buori rámmaeavttuid go vejolaš, dadjá Widvey.

Báikkálaš rádiot main eai leat sáddenrusttegat njealji stuorimus gávpogiin, besset joatkit nuvttá FM fierpmádagas. Dát lea dilli sullii 200 smávit báikkálaš rádioin, dahje ovcci juohke logát stašuvnnas.

- Mii eat sáhte dagahit nu ahte báikkálaš rádiot mat jotket sáddemis FM-fierpmádaga bakte, galget čuovvut čavgadeappot njuolggadusaid go dat mat sáddejit DAB bakte, dadjá Widvey.

Kanalaide mat jotket sáddemis FM fierpmádagas evttoha ráđđehus:

  • Nuvttá guhkidit sáddenlobi viđá jahkái.
  • Dálá gáržžideamit mat leat dietnasiid ja vuoittut hárrái báikkálaš ii gávppálaš rádiostašuvnnaide olggobealde riikka njealji stuorimus gávpogiin loahpahuvvo.
  • Stáhta dálá gáibádusat ja reguleremat mas gáibidit báikkálaš ođđasiid ja báikkálaš sisdoalu loahpahuvvo.

- Báikkálaš sisdoallu lea báikkálaš rádio siellu. Dat han lea sin buoremus ovdamunni ja dan gal ii dárbbaš almmolaš byrokratiija dárkkistit, dadjá Widvey.

Ráđđehusa mihttomearri lea ahte DAB-sáddagat galget gullot miehtá Norgga. Doarjja dan ollašuhttimii, de áigu ráđđehus várret bealit dan ruhtamearis mii dárbbašuvvo vai báikkálaš rádiot miehta riikka galget sáhttit sáddet DAB vuogádaga bakte. 

- Teknologiijamolsun jagi 2017:s dagaha álkit ja buoret árgabeaivvi sihke báikkálaš rádioide ja guldaleddjiide, dadjá Widvey.