Buoret ovttasbargu rihkusfuolahusa ja politiijasuorggi gaskka ja buoret persovdnasuodjaleapmi
Historjjálaš arkiiva
Almmustahttináigodat Solberga ráđđehus
Almmustahtti: Justiisa- ja gearggusvuođadepartemeanta
Ođas | Almmustahtton: 23.01.2015 | Maŋimuš ođasmahttojuvvon: 02.03.2015
Stáhtaráđđi dohkkehii otne ráŋggáštusčađahanlága ođđa mearrádusaid mat gusket rihkusfuolahusa ja politiijasuorggi dieđuidlonohallamiidda. Dat fápmuduvvojit seammá beaivvi.
-Láhkarievdadusat nannejit rihkusfuolahusa ja politiijasuorggi gaskasaš ovttasbarggu eastadeamis duođalaš vearredaguid, ja sihkkarastá buorre persovdnasuodjaleami sidjiide geat čohkkájit ráŋggáštusas, cealká justiisaministtar Anders Anundsen.
Ođđa láhkamearrádusaid ulbmil lea rihkusfuolahusa ja politiijasuorggi gaskka buoridit dieđuidlonohallamiid erenoamáš duođalaš áššiin mat gusket alla riska fáŋggaide.
Mearriduvvon láhkarievdadusat čielggasmahttet diehtovuogádaga registrerengáibádusaid ja bidjet árvvoštallamiidda čielga rámmaid. Rievdadusat mielddisbuktet buoret diehttevašvuođa, njuovžilis áššemeannudeami ja ovttalágan meannudeami.
Ráđđehus lea dál fuolahan ahte láhkavuođđu dohkkehuvvo, mii dán rádjái leamaš váilevaš. Ollu ásahusat, nugo Siviilaáittardeaddji, Dáhtabearráigeahčču, Riikkarevišuvdna ja ON, leat cuiggodan ja eahpidan dieđuidlonohallamiid láhkavuođu. Rievdadusaid ulbmil lea ovddidit ja nannet diehtovuogádaga lobálašvuođa.