Historjjálaš arkiiva

Stáhtabušeahtta:

Sámi filbmavuoruheami nannen

Historjjálaš arkiiva

Almmustahttináigodat Solberga ráđđehus

Almmustahtti: Kulturdepartemeanta

Ráđđehus áigu nannet sámi filmma vuoruheami ja lasiha juolludemiid Internašunála Sámi Filbmainstituhttii (ISFI) 0,5 miljovnnain kruvnnain.

Lassáneapmi galgá geavahuvvot sihke ISFI doibmii ja juolludemiide sámi audiovisuála buvttademiide. Oppalaš juolludeapmi ISFI:i lea su. 4,5 miljovnna kruvnna.

- Internašunála Sámi Filbmainstituhtta lea leamaš mielde huksemin sámi filbmabirrasa ja čájehan ahte sámi muitalusain leat stuorra vejolašvuođat. Buorre ovdamearka dasa lea máilmmi vuosttaš máttasámi guhkesfilbma Sameblod mii dán čavčča lea válljejuvvon prestišalaš filbmafestiválaide ee. Venezias ja Torontos ja vuoitán bálkkašumiid, dadjá kulturministtar Linda Hofstad Helleland.

- Sávan ahte lassánan juolludeapmi Internašunála Sámi Filbmainstituhttii addá doaibmavejolašvuođa hábmet doaimmaid ja bargosajiid, ja ahte veahkeha oažžut eanet sámi taleanttaid ja buvttademiid márkaniidda sihke dáppe ruovttus ja olgoriikkas, dadjá kulturministtar Lunda Hofstad Helleland.