Stáhtabušeahtta 2018
Nannet Taleanta Norga doaimma
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 91/17 | Almmustahtton: 16.10.2017
Ráđđehus sávvá eanet nuorra čehpiid beassat ovdánit ámmátlaš doibmii riikkaidgaskasaš dássái. Danne ásahii Talent Norge (Taleanta Norga) 2015:s. 2018:s nannejuvvo dát doaibma 2,8 milliuvnna ruvnnain 38,9 milliuvnna ruvdnui.
– Taleanta Norga lea juo muitalus lihkostuvvamis. Dan golmma jagis mii lea vássán ásaheami rájes leat 21 prošeavtta ožžon 130 milliuvnna ruvnna ja sullii 1500 taleantasaji leat ásahuvvon. Bohtosat čájehit dan, ahte kultureallimis lea sadji ođđa jurddašemiide, sihke mii guoská mainnalágiin ovddida dáiddalaš taleanttaid ja mot ruhtadit prošeavttaid, lohká kulturministtar Linda Hofstad Helleland.
Taleanta Norga hukse modeallaid mot ovddidit taleanttaid sin hearkkes dilis mii lea ovdal go álgá alit ohppui ja go aitto lea geargan dainna oahpuin. Doaimmas ovddidit rámmaid mot juohkit máhtuid, vásáhusaid ja gelbbolašvuođa taleantaovddideami ja priváhta-almmolaš ovttasbarggu birra mii guoská kultureallimii.
Prošeavttat gullet sierranas dáiddasurggiide ja álggahuvvojit miehtá riika.