Bohccobiergu lea fidnemis buorebut go leamaš guhkes áigáisdyrkjøtt er bedre enn på lenge
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Ođas | Almmustahtton: 07.02.2017 | Maŋimuš ođasmahttojuvvon: 13.02.2017
Lea boazodoallu mii lea bargan váldobarggu boazologu unnideamis, ja dál čuovvolit historjjálaš alla njuovvanhivvodagain jagis 2016.
Raporterejuvvon boazologut 2016 giđa čájehedje ahte boazolohku maid Finnmárkkus lei vuolábealde mearriduvvon logu. Leat dušše muhtimat geat eai vel leat čuvvon unnidangáibádusa. Boazologu unnideapmi lea leamaš gáibideaddji proseassa sihke boazodolliide ja eiseválddiide. Bajidan dihte boazodoalu gánnihahttivuođa lea áibbas dárbbašlaš ahte sáhttá doalahit boazologu mii lea heivehuvvon guohtumiidda.
Oktiibuot njuvvojuvvojedje 83 500 bohcco njuovahagain jagis 2016, jagi 2015 ektui go njuvvojuvvojedje 74 025 bohcco. Lea alimus njuovvanlohku mii lea leamaš máŋgga jahkái. Lassin alla njuovvanlohkui lea maid illudahtti ahte deaddu lassána. Jagis 2015 2016 jahkái lea gaskamearalaš deaddu sihke rávisbohccuin ja misiin lassánan 0,5 kiloin. Jus geahččá Oarje-Finnmárkku sierra, mii lea dat guovlu gos alla boazolohku lea leamaš stuorimus hástalussan, lea gaskamearalašdeaddu lassanan olles 1,6 kiloin. – Lea illudahtti ahte boazologu unnideapmi mii lea čađahuvvon lea buktán nu johtilis váikkuhusa. Dát lea dieđusge positiivvalaš boazodollui go deaddolassáneapmi dahká boazodoalu eanet gánnáhahttin, dadjá eanandoallo- ja biebmoministtar Jon Georg Dale.
Historjjálaš alla njuovvanhivvodat čavčča ja dálvvi mielde lea dagahan ahte bohccobiergu lea fidnemis buorebut go guhkes áigái. – Dát leat buorit ođđasat geavaheddjiide. Márkanheivehuvvon buvttaovdánahttin ja márkanfievrredeapmi lea addán fuomášumi norgga bohccobirgui. Dát lea jagiid mielde leamaš mielde lasiheame geavaheami. Earenoamáš illudahtti lea go nuorat borret eanet bohccobierggu, dadjá Dale.
