Heaittihit oljoboaldinrusttegiid stáhta huksehusain

Ovdal 2018 galget buot oljoboaldinrusttegat váldojuvvot eret stáhta huksehusain.

Ráđđehus lea dál ovddidan dieđuid makkár plánat departemeanttain leat heaittihit oljoboaldámuša.  

Gávcci departemeantta eaiggádit ieža huksehusaid, dahje dain leat vuollásaš etáhtat dahje doaimmahusat geat eaiggádit huksehusaid, gos geavahuvvo eanaš oljoboaldámuš. Jagi 2014 ledje oktiibuot 265 oljoboaldinrusttega.

Plána lea ahte 265 oljoboaldinrusttegis heaittihit 216. Dál lea plánabargu jođus daid loahppa oljoboaldinrusttegiidda. Ráđđehus áigu jahkásaččat ovddidit dieđuid stáhtusa ja plánaid birra dassážii go buot oljoboaldinrusttegat leat heaittihuvvon.   

Dieđut departemeanttaid oljoboaldinrusttegiid heaittihanplánaid birra gávdnojit Prop. 1 S (2015-2016) Dálkkádat- ja birasdepartemeanta.