Maŋideapmi opmotdatvearu máksimis
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 47/2016 | Almmustahtton: 06.10.2016 | Maŋimuš ođasmahttojuvvon: 12.10.2016
Ráđđehus evttoha ahte gávpedoaimmat mat mannet vuolláibáhcagiin, sáhttet maŋidit opmodatvearu guovtti jahkái.
– Vaikko ruhtadábuheapmi obbalaččat lea buorre ealáhusdoaimmain, de muhtun gávpedoaimmat rahčet ruhtademiin nagodit doaimmaid bisuhit. Ráđđehus háliida veahki addit eaiggádiidda, nu ahte sii eai dárbbaš váldit ruđaid gávpedoaimmas mainna mákset opmodatvearu, dadjá ruhtadanministtar Siv Jensen (OvB).
Evttohus mielddisbuktá ahte eaiggádat gávpedoaimmain main lea vuolláibáza sáhttet gáibidit maŋiduvvon máksima opmodatvearu ossosiin, oassálasti livdnejuvvon fitnodagaid ossosiin ja ovttaolbmofitnodaga doallobiergasiin guovtti jahkái.
Dát lea gaskaboddosaš evttohus ja guoská opmodatverrui sisaboahtojagiide 2016 ja 2017.
– Ráđđehus háliida ahte evttohus galgá buktit ávkki eaiggádiidda juo 2016:s. Danne ferte Stuoradiggi gieđahallat dan ovdal maŋemus ovdagihtiivearu máksinbeaivvi mii lea skábmamánu 15.b., dadjá ruhtadanministtar Siv Jensen.
Ráđđehus evttoha, sihkkarastin dihte mearrediđolaš ortnega, ahte ortnet ráddjejuvvo sidjiide geain jahkásaš opmodatvearru dahká unnimusat 30 000 ruvnno sisaboahtojagis maid sáhttá maŋidit. Ráđđehus evttoha ahte reantu mii biddjo maŋiduvvon verrui galgá leat 5 proseantta.