Viiddis doaimmat koronavirusa bisseheapmái

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

- Odne Norgga ráđđehus ovdanbuktá fámoleamos ja viidámus doaimmaid, maid mii leat ásahan Norggas ráfi áigge. Dat leat vealtameahttumat, dadjá stáhtaministtar Erna Solberg.

Ráđđehus lea jo ásahan eatnat doaimmaid, maiguin fágalaš rávvagiid vuođul hehttejit njoammuma, muhto leat dál boahtán ođđa muddui, mas gáibiduvvojit ođđa ja čavgadut doaimmat.

Ođđa doaimmat čuhcet sakka riikkaássiid persovnnalaš friijavuhtii. Doaimmat čuhcet olbmuid dábálaš eallimii ja dasa mo min servodat doaibmá.

- Mii dahkat dán, vai ráddjet njoammuma, mii ii leat nu várálaš ollugiidda, muhto mii sáhttá leat hui váralaš muhtumiidda. Dan mii dahkat, vai suddjet sin, geat mis leat hearkkimusat, dadjá dearvvašvuođa- ja fuolahanministtar Bent Høie.

- Máŋgasat vásihit dáid doaimmaid noađđin, ja dat čuhcet sakka Norgga servodahkii. Muhto dát lea oktasaš bargu, masa mii fertejit buohkat searvat ovttas, buohkaid ovddas, dadjá Bent Høie.