Eanadoallo- ja biebmodepartemeanta

Geir Pollestad (Sp)

Eanadoallo- ja biebmoministtar

Eanadoallopolitihkka fátmmasta eananhálddašeami, eanan- ja meahccedoalu, elliiddoalu, boazodoalu ja ođđa ealáhusaid ovdánahttima, main lea vuođđun eanandoallu.
Rein på Finnmarksvidda

Gáhttet boazoguohtuneatnamiid

Ođas 04.03.2024

Stáhta ja Norgga Boazosápmelaččaid Riikasearvi sohpe guovvamánu 8. b. boazodoallošiehtadusa 2024/2025. Okta váldovuoruhemiin šiehtadusas lea gáhttet boazoguohtuneatnamiid. Váldovuoruheami ferte geahččat ráđđehusa doaibmabidjopáhka oktavuođas boazodoalu ja energiija várás, mii ovddiduvvui juovlamánu 20. b. 2023.

Rein på beite, Karasjok.

Boazodoalu dálkkádatheiveheapmi

Ođas 13.02.2024

2023/2024 boazodoallošiehtadusas sohpe šiehtadallanbealit ásahit bargojoavkku mii galggai árvvoštallat boazodoalu dálkkádatheiveheami doaibmabijuid ja váikkuhangaskaomiid. Bargojoavkkus leat leamaš mielde Norgga Boazosápmelaččaid Riikasearvvi ja Eanandoallo- ja biebmodepartemeantta nammadan ovddasteaddjit. Bargojoavku geigii raporttas juovlamánu 12.b.2023, ja raporta ovdanbuktojuvvui šiehtadallanbeliide 2024/2025 boazodoallošiehtadusa šiehtadallamiid álggahančoahkkimis.