Bargo- ja searvadahttinministtar Marte Mjøs Persen (Bargiidbellodat)
Čujuhus:
Akersgata 64, Postboks 8019 Dep, 0030 Oslo
E-poasta:
postmottak@aid.dep.no
Telefovdna:
22 24 90 90
Riegádan:
1975
Doaibmagođii:
07.03.2022
Bargo- ja searvadahttinministaris lea politihkalaš ovddasvástádus bargomárkana, bargobirrasa, penšuvnnaid, čálgodoaimmaid ja searvadahttima surggiin.
Marte Mjøs Persen (r. 1975) nammaduvvui mánnodaga njukčamánu 7. beaivvi 2022 Bargo- ja searvadahttindepartemeantta stáhtaráđđin Jonas Gahr Støre ráđđehusas.
Marte Mjøs Persen lei oljo- ja energiijaministtar golggotmánu 14. beaivvi 2021 rájes 2022 njukčamánu rádjái. Son lei Bergena sátnejođiheaddji 2015 rájes 2021 čavčča rádjái, goas válljejuvvui Bargiidbellodaga (Bb) stuoradiggeáirrasin Hordaland válgabiirres. Marte Mjøs Pedersen lea Vestland Bb jođiheaddji ja lea maiddái Bargiidbellodaga guovddášstivrras. 2011 rájes 2015 rádjái lei son maiddái Bergen Bb jođiheaddjin.
Marte Mjøs Pedersen lea olu jagiid leamaš álbmotválljejuvvon áirras Bergen gávpotstivrras ja luohttevašolmmoš ja fágaorganiserejuvvon LO bargiidorganisašuvnnas.
Son lea studeren girjjálašvuođadiehtaga ja sosiologiija, ja sus lea bacheloroahppu kultur- ja servodatdiehtagis Bergen Universitehtas. Ovdal lea son bargan hotealla- ja restaurántasuorggis ja organisašuvdnačállin earret eará Human-Etisk Forbundas.
Marte Mjøs Persen lea náitalan, sus leat njeallje máná ja ássá Bergenis.