Bargomárkanossodat

Bargomárkanossodaga ovddasvástádus lea ovddidit bures doaibmi bargomárkana. Ossodaga ovddasvástádus lea politihkka ja gaskaoamit daid joavkkuid várás, main lea váttis dilli bargomárkanis, bargosisafárrennjuolggadusat ja sisaboahtopolitihkka.

Ossodat hálddaša earret eará lágaid, mat muddejit bargomárkanbálvalusaid, bargguhisvuođa beaiveruđaid (álbmotoadjolága kapihtal 4), doarjaga oktonas eadnái dahje áhččái (álbmotoadjolága kapihttala 15) ja bálkágeatnegasvuođa bággoluomuid áigge. Ossodaga ovddasvástádus lea mo olgoriikkalaččaid láhka mudde EES-ássiid vuoigatvuođaid, ja maiddái bargosisafárren EES-riikkaid olggobealde. Ossodagas leat maid doaimmat sisaboahto- ja bálkášiehtadallamiid oktavuođas ja ovddasvástádus sisaboahtošiehtadallamiid teknihkalaš meroštallanlávdegottis (Det tekniske beregningsutvalget for inntekstoppgjørene).

Ossodagas lea ovddasvástádus koordineret departemeantta riikkaidgaskasaš barggu, mii laktása máŋgga ossodahkii departemeanttas.

Ossodagas leat dát sekšuvnnat:

Ossodaga čuovvovaš sekšuvnnat:

  • Analysa- ja sisaboahtopolitihkalaš sekšuvdna (ASS)

    Sekšuvnna ovddasvástádussii gullá dutkan, čielggadeamit, goziheapmi ja analysat bargomárkana birra, maiddái bargofámu lassáneami ja vátnuma, bargguhisvuođa, bargosisafárrema, sisaboahto- ja bálkáovdáneami birra jna.

  • Doaibma- ja bušeahttasekšuvdna (DBS)

    Sekšuvnna ovddasvástádus lea hábmet ja muddet rievttes sturrosažžan bargomárkandoaimmaid bargoohcciide, doaimmat maiguin ovddidit man ollu bargofápmu lea olámuttus ja bargomárkanpolitihka joavkkuid ektui main lea hástaleaddji dilli bargomárkanis.

  • Juridihkkasekšuvdna (JS)

    Sekšuvnna ovddasvástádus lea hálddašit ja ovddidit njuolggadusaid, maiguin muddejit bargomárkana iešguđet osiid, nu mo beaiveruđaid, bággoluomuid, bargomárkanlága, bargosisafárrema, gažaldagaid bargiid friddja johtimis EES-guovllus ja doarjaga oktonas eadnái ja áhččái.

Bajás