Penšuvdnaossodat

Penšuvdnaossodagas lea bajimuš ovddasvástádus penšuvdnapolitihkas, ja dasa gullevaš penšuvdnaođastusas.

Ossodaga ovddasvástádussii gullet álbmotoaju penšuvdnavuogádat, almmolaš bálvaluspenšuvdnaortnegat, šiehtadusain nannejuvvon penšuvdna, sierralágan lágas nannejuvvon árrapenšuvdnaortnegat, personvahátoajut ja oktiiordnennjuolggadusat. Ossodagas lea dasa lassin ovddasvástádus álbmotoaju fidnoroasmmohuvvandoarjagiin, mánáidruđa ovdamávssuin, juridihkalaš čuolmmain álbmotoaju oktavuođas ja riikkaidgaskasaš oadjoriektegažaldagain.

Ossodagas lea Stáhta penšuvdnakássa ja Mearraolbmuid penšuvdnaoaju etáhtastivrenovddasvástádus.

Ossodaga čuovvovaš sekšuvnnat:

  • Bušeahtta- ja etáhtastivrensekšuvdna (BES)

    Sekšuvnna ovddasvástádus lea koordineret ossodaga barggu stáhtabušeahtain ja ossodaga guovtti vuolit doaimma etáhtastivren: Stáhta penšuvdnakássa ja Mearraolbmuid penšuvdnaoadju. Sekšuvdna koordinere maid ossodaga barggu, mii laktása departemeantta Bargo- ja čálgodirektoráhta etáhtastivremii. BES ovddasvástádus lea maid ossodaga siskkáldas bušeahtta ja gulaskuddanáššiid koordineren.

    Sekšuvdnajođiheaddji: Ossodatdirektevra Else Staven

  • Ekonomiija ja čielggadansekšuvdna (EČS)

    Sekšuvnna ovddasvástádus lea čielggadit ekonomalaš, juohkimii vuođđuduvvi ja eará servodatlaš čuovvumušaid ossodaga fágasuorggis. Sekšuvnnas leat maid čielggadandoaimmat penšuvdnaođastusa oktavuođas.

    Sekšuvdnajođiheaddji: Ossodatdirektevra Roar Bergan

  • Penšuvdnafágalaš sekšuvdna (PFS)

    Sekšuvdnajođiheaddji: Ossodatdirektevra Biørn Bogstad

  • Riikkaidgaskasaš ja juridihkkasekšuvdna (RJS)

    Sekšuvnna ovddasvástádus lea miellahttuvuohta álbmotoajus, oadjodoarjagiid riikkaidgaskasaš koordineren, guovtti riikka gaskasaš oadjošiehtadusat, mánnáruđa ovdamáksin ja álbmotoadjolága hálddahuslaš mearrádusat, maiddái oaju boastut geavaheami njuolggadusat.

    Sekšuvdnajođiheaddji: Ossodatdirektevra Anne-Louise Resberg

Bajás