Stábaossodat

Stábaossodagas lea ovddasvástádus departemeantta organisašuvnnas ja oktasaš vuogádagain. Dasa gullá departemeantta organisašuvnna ovddideapmi, bargiidpolitihkka ja bargoaddidoaimmat. Ossodaga ovddasvástádussii gullet maid bargoproseassat, sihkarvuohta, dokumentašuvnna hálddašeapmi, áššemeannudan- ja kántordoarjjavuogádagat, ja kántordoarjjadoaimmat.

Ossodaga čuovvovaš sekšuvnnat:

  • HR-sekšuvdna

    HR-sekšuvnna ovddasvástádus lea ovddidit ja čuovvulit departemeantta bargiid- ja bálkápolitihka, organisašuvnna ovddideapmi, jođiheddjiid ovddideapmi, gealbbu ovddideapmi, doarjja departemeantta rekruterenbargui, bargoaddiprofileren ja departemeantta siskkáldas bargu searvadahtti bargoeallima ja bargobirrasa ovdii. Sekšuvdna fuolaha departemeantta bargoaddidoaimma ja das lea ovddasvástádus fágaservviiguin ovttasdoaibmamis.

    Ossodatdirektevra Trond Bigseth

  • Hálddahussekšuvdna

    Hálddahussekšuvnna ovddasvástádus lea departemeantta sihkarvuođa- ja gearggusvuođabargu. Sekšuvnna ovddasvástádussii gullá maid departemeantta lanjaid doallan ja ovddideapmi, DGT, siskkáldas bušeahtta ja rehketdoalu, oastinbálvalusat ja gulahallan gálvo- ja bálvalusdoaimmaheddjiiguin, earret eará DSS:in.

    Ossodatdirektevra Gard Kjølholdt

  • Dokumentašuvdnasekšuvdna

    Dokumentašuvdnasekšuvnna ovddasvástádus lea journáladoallan departemeantta elektrovnnalaš arkiiva- ja áššemeannudanvuogádagas, ja ovddidit dagaldumiid (rutiinnaid) ja geavaheaddjidoarjaga dan vuogádahkii. Sekšuvnna ovddasvástádus lea almmolaš journála (elektrovnnalaš vejolašvuohta geahčadit dieđuid) ja vejolašvuohta geahčadit dieđuid (innsyn).

    Ossodatdirektevra Gard Kjølholdt