Ovddasvástádussuorggit

Bargat stáhtaráđi čállingoddin:

Departemeanta galgá veahkehit politihkalaš jođiheddjiid hábmet politihka ja ráhkadit bajit plánaid politihka čađaheapmái sierra bargosuorggis, ja dat galgá leat doarjjan go galget gulahallat Stuoradikkiin ja Ráđđehusain ja ovdanbuktit dehálaš ovttaskasáššiid politihkalaš jođiheddjiide.

Fuolahit hálddašanbargguid:

Departemeanta galgá doaimmahit hálddašanbargguid mat leat biddjojuvvon departementii ja dat galgá leat váidalan-ja dárkkistaninstánsan dakkár áššiin maid eará etáhtat leat meannudan.

Jođihit ja čuovvolit vuolit doaimmaid:

Departemeanta galgá bidjat mihtuid, addit rámmaid, bagadit ja čuovvolit vuolit etáhtaid bohtosiid gustojeaddji lágáid ja njuolggadusaid mielde, ja politihkalaš čujuhusaid mielde.