Mánáidsuodjaluslávdegoddi

Almmustahttináigodat Solberga ráđđehus

Almmustahtti: Mánáid-, dásseárvo- ja searvadahttindepartemeanta

Skábmamánu 28.b.2014 nammaduvvui láhkalávdegoddi geahčadit movt álkkásmahttit mánáidsuodjaluslága. Otná láhka lea moivvas ja eahpečielggas. Dasto lea dárbu heivehit lága dálá dillái. Mánáidsuodjaluslága geahčadeami ulbmil lea buoridit mánáid riektesihkarvuođa ja hábmet eanet áddehahtti lága.

-Lean ilus go mii dál leat nammadan láhkalávdegotti árvvoštallat movt mánáidsuodjalusláhka berre hábmejuvvot nu ahte dat lea mánnái buoremus, cealká mánáid- dásseárvo- ja searvadahttinministtar Solveig Horne. Mánáidsuodjalusas lea oktavuohta mánáiguin ja váhnemiiguin ja vásiha ahte hástalusat šaddet dađistaga váddásat ja máŋggabealagat, ja dat áššečuolmmat fertejit leat guovddážis go mánáidsuodjalus čađahišgoahtá doaimmaidis.  

-Mun beroštan mánáid ja sin bearrašiid sihkkarvuođas mánáidsuodjalusas, erenoamážit go jurddaša ahte almmolašeiseválddit bákkus sáhttet iežaset seaguhit ovttaskas olbmo priváhta eallimii. Mii háliidat čielgaseabbo ja áddehahtti lága sihkkarastin dihti máná buoremusa. Láhka galgá bures áddehahtti sidjiide geat dan galget geavahit: mánáidsuodjalusbálvalus, mánát ja ieš bearaš, loahpaha stáhtaráđđi.

Lávdegotti bargu lea geahčadit lága teknihkalaš, gielalaš ja struktuvrralaš beliid, ja árvvoštallat movt mánáidsuodjaluslága álkkásmahttit.  

Lassin dan ahte mánáidsuodjaluslága 1992 álkidahttit, galgá lávdegoddi geahčadit áššiid nugo:

  • Áigeguovdilis mánáidsuodjalusláhka
  • Mánáidsuodjalusa ovddasvástádussuorggit
  • Eastadandoaimmat
  • Mánáidsuodjalusa prinsihpat
  • Oasehasvuoigatvuođat ja ovttastallan
  • Vejolaš vuoigatvuođanannen

Láhkalávdegotti miellahtut:

  1. Trude Haugli, professor, Romsa, jođiheaddji
  2. Christian Børge Sørensen, fylkkanammagotti jođiheaddji, Stavanger, miellahttu
  3. Frode Lauareid, KS-advokáhta, Kongsberg, miellahttu
  4. Cecilia Dinardi, advokáhttafámohas, Oslo, miellahttu
  5. Wenche Dahl Elde, advokáhtta/seniorráđđeaddi, Oslo, miellahttu
  6. Arne Birger Krokeide, advokáhtta, Gjøvik, miellahttu  
  7. Berit Roll Elgsaas, seniorráđđeaddi, Drammen, miellahttu