Ekonomiijastivrema Direktoráhtta (ESD)

Ekonomiijastivrema Direktoráhtta (ESD) lea stáhta áššedovdi ásahus ekonomiija- ja doaimmahatstivrejumi váste stáhtas. Direktoráhta bajitdási mihttomearri lea láhčit dili heivvolaš oktasaščovdosiidda stáhtas ja buori stivrejumi juohke ovttaskas stáhtalaš ásahusain.

Direktoráhtta gálgá leat veahkkin oažžut beaktilis resursageavaheami dakko ahte fállat oktasaščovdosiid mat addet synergiijaid ja stuoradoalloovdamuniid. ESD doaimmaha bálká- ja/dahje rehketdoallobálvalusaid sullii 83 prosentii buot stáhtalaš doaimmahagaide.  ESD:s lea ovddasvástádus stáhtarehketdoalus ja stáhta konsearnakontoortnegis.

Direktoráhtta hálddaša ekonomiijastivrejumi njuolggadusaid stáhtas ja fállá  gelbbolašvuođa doaimmaid, ráđđeaddima ja vugiid ja reaidduid buori stivrejupmái.

Loahpageahčen jagi 2016 ledje 425 bargi direktoráhtas, juhkkojuvvon guovddášovttadahkii Oslos ja bálká- ja rehketdoalloovttadagat Stavangeris ja Tråantes. Direktoráhtas lea maid cuoŋománu 1. beaivvi 2017 rádjái ovttadat Hamaris elektrovnnalaš fakturágieđahallama ja e-gávppašeami várás. Jagis 2017 lea ESD bušeahtta badjelaš 466,6 miljovnna ruvnno.

Neahttasiidu: http://www.dfo.no/