Integrerenossodat

Integrerenossodat bargá integrerenpolitihkain olbmuid ektui main lea sisafárrejeaddji duogáš.

Ossodagas lea sierra ovddasvástádus ásaiduhttit dorvoohcciid, oahpistanlágas, das mii guoská ohppui dárogielas ja servodatmáhtus, ja oahpistanprográmmas aiddo boahtán sisafárrejeddjiide, ja bargovejolašvuođa kvalifiserendoaimmas. Viidáseappot lea ossodagas ovddasvástádus stáhtaborgárlágas ja láhčit dulkoma almmolaš suorggis. Ossodat bargá maid láhčit dili dasa ahte eaktodáhtolaš organisašuvnnat ja siviilaservodagat sáhttet leat veahkkin integrerenbarggus ja ahte lea gulahallan ja ovttasbargu iešguđet oasálaččaid gaskkas áššesuorggis. 

Integrerenossodagas lea vel lassin ovddasvástádus ovdánahttit ja ovttastit politihka ja doaimmaid mat gusket integreremii, ja sihkkarastit ahte fágaeiseválddit fuolahit integrerenperspektiivva iešguđet hálddašansurggiin, ovdamearkka dihte go guoská ohppui, barggahussii ja dearvvašvuhtii. 

Ossodagas lea ovddasvástádus jođihit Integreren- ja girjáivuođadirektoráhta hálddahuslaččat ja fágalaččat, mii čađaha integrerenpolitihka surggiin main departemeanttas lea ovddasvástádus. Ossodat stivre maid fágalaččat pedagogalaš barggu Kompetanse Norge dárogieloahpahusas ja servodatmáhttooahpahusas, ja stáhtaborgáráššiid gieđahallamis stáhtaborgárlága mielde Olgoriikadirektoráhtas.

Bajás