Riikkaidgaskasaš boazodoalloguovddáš

Doaibma galgá skáhppot áššáiguoski dieđuid máilmmi boazodoalu birra, gaskkustit dieđuid, duođaštusa ja diliid mat leat mávssolaččat boazodoalu eavttuide, kultuvrii ja ekologiijii, dás maiddái dutkanbohtosiid ja boazodoalu árbedieđuid. Doaibma galgá maiddái ovddidit gulahallama ja fierpmádathuksema gaskal davviguovlluid boazodoalloálbmogiid.

Boazodoalu riikkaidgaskasaš fága- ja gaskkustanguovddáš lea fágalaš iehčanas ásahus, mii lea ásahuvvon váikkuhan dihtii bisuhit ja ain ovddidit ceavzilis boazodoalu davviguovlluin – ja nannet boazodoalloálbmogiid ovttasbarggu. Guovddáš galgá maiddái veahkehit seailluhit boazodoalu árbevirolaš máhtu ja dieđuid, ja oahpisin dahkat boazodoalu ja ovddidit dan áddejumi.

Guovddáža doaimma ulbmiljoavku lea boazobargit, almmolaš eiseválddit, dutkan- ja fágabirrasat, organisašuvnnat ja ovttasbargoorgánat Norggas ja eará riikkain.

Guovddáža lanjat leat Guovdageainnus.

Njuolggadusat (PDF-fila)
Ruoššagillii

Neahttasiidu: http://www.reindeercentre.org/