Departemeanta

Almmustahttináigodat Solberga ráđđehus

Almmustahtti: Gielda- ja ođasmahttindepartemeanta

Gielda- ja ođasmahttindepartemeanta (GOD) ovddasvástida ássan- ja huksenpolitihka, gielddaekonomiija, almmolaš suorggi ođasmahttima ovttastahttindoaimmaid, DGT-politihka, regionála- ja guovllupolitihka, hálddašanpolitihka, báikkálašhálddašeami, válggaid čađaheami, stáhtalaš bargoaddipolitihka, sámiid ja nationála unnitloguid, hálddašandoaimmaid plána- ja huksenlága vuođul mat gusket plánabargguide ja váikkuhusčielgademiide, ja nationála kárta- ja geodáhtapolitihka.

Gielda- ja ođasmahttindepartemeantta jođihangoddái gullet stáhtaráđđi ja vihtta stáhtačálli. Dasa lassin lea stáhtaráđis okta politihkalaš ráđđeaddi. Departemeantaráđis lea bajimus bissovaš ámmátvirgi departemeanttas. Departemeantaráđđi veahkeha ja doaibmá stáhtaráđi ráđđeaddin, ja ovttastahttá departemeantta bargguid. Gielda- ja ođasmahttindepartemeanttas leat sullii 425 bargi. Departemeanta doaibmá bargogoddin stáhtaráđđái, jos oanehaččat galgá muitalit. Gielda- ja ođasmahttindepartemeanttas leat dál čuovvovaš ossodagat:

  • Hálddahusossodat
  • Bargoaddipolitihkalaš ossodat
  • Huksehusaid, sihkkarvuođa ja bálvalusossodat
  • DGT ja ođasmahttinossodat
  • Viesso- ja huksenossodat
  • Gieldaossodat
  • Gulahallanovttadat
  • Plánaossodat
  • Regionálapolitihkalaš ossodat
  • Sámi- ja minoritehtapolitihkalaš ossodat
  • Stáhtahálddahusossodat

Hálddahusossodagas lea ovttastahttindoaibma ja galgá fuolahit ahte departemeanta jođihuvvo beaktilit, ja Gulahallanovttadat lea departemeantta fágaovttadat gulahallanáššiin. Eará ossodagat leat fágaossodagat.