Hálddahusossodat

Kultur- ja dásseárvodepartemeanta

Hálddahusossodat ovddida stivrenvuogádagaid ja mearrida bajitdási njuolggadusaid departemeantta beaktilis ja oktiiheivehuvvon jođiheapmái. Ossodat áimmahuššá hálddahuslaš áššiid ja fuolaha ahte departemeanta stivrejuvvo gustovaš lágaid ja njuolggadusaid mielde.

Ossodaga čuovvovaš sekšuvnnat:

  • Bargiid- ja organisašuvdnasekšuvdna HO1

    Sekšuvdna ovddasvástida rekruterendoaimmaid, departemeantta bargoveaga- ja bálkáhálddašeami ja erenoamážit jođihan-, gelbbolašvuođa- ja organisašuvdnaovddidandoaimmaid. Sekšuvdna galgá maid ovddasvástidit plána- ja intraneahttadoaimmaid. Sekšuvdnii gullá maid čáhkkilis bargodillešiehtadus (IA) ja galgá maid oktiiheivehallat dearvvašvuođa, biras ja sihkkarvuođadoaimmaid (DBS).

  • Ekonomiijasekšuvdna HO2

    Sekšuvnna ovddasvástádussii gullá ovttastahttit stáhtabušeahta ja stáhtarehketdoalu. Sekšuvdna galgá maid ovddasvástidit siskkáldas ekonomiijavuogádaga, departemeantta hálddahusbušeahta, ovddidit ja čuovvulit ekonomiijasuorggi, ekonomiijahálddašeami ja rehketdoalu guoskevaš stivrendokumeanttaid, ja bušeahtta- ja ekonomiijahálddašannjuolggadusaid. Sekšuvdna ovddasvástida maid siskkáldasbearráigeahču riskavuogádaga, ja almmolaš sisaoastimiid.

  • Hálddahussekšuvdna HO3

    Sekšuvnna ovddasvástádussii gullá jođihit ja ovddidit departemeantta dokumentašuvdna- ja arkiivadoaimmaid, čuovvulit ja ovddidit DGT-doaimmaid ja oktasaš bálvalusaid ja eará jođihandoaimmaid. Sekšuvdna galgá maid ovddasvástidit sihkkarvuođa- ja gearggusvuođaáššiid.

  • Ovttastahttinovttadat (HO4)

    Ovttastahttinovttadat oktiiheiveha áššiid ráđđehuskonferánsii, ovdanbuktimiid ja gulaskuddamiid. Ovttadat oktiiheiveha maid eará áššiid mat gáibidit oktasaš áŋgiruššama, nu go ON guoddevašvuođamihtuid čuovvoleami, gulahallama suohkansektoriin, ja raporteremiid Stuoradiggái ja Stáhtaministara kantuvrii.Ovttadagas lea vuogádatovddasvástádus siskkáldas dárkkisteami ja bearráigeahču fágasuorggis, ja doarju departemeantta jođihangotti áššiin, mat eai lunddolaččat gula departemeantta eará ossodagaid ovddasvástádussuorgái. Maiddái ovddasvástádus departemeantta intraneahta hárrái gullá ovttastahttinovttadahkii.