Ossodagat

Kulturdepartemeanttas leat 7 ossodaga, Gulahallanovttadat ja Stáhtaráđđesekšuvdna. Guđege ossodaga jođiha ekspedišuvdnahoavda.
  • Gulahallanovttadat

    Gulahallanovttadat ovddasvástádus lea juohkit dieđuid departemeantta politihkalaš áššiid ja mearrádusaid birra. Gulahallanovttadat gulahallá beaivválaččat mediain ja álbmogiin. Ovttadat gulahallá fágaossodagaiguin ja veahkeha stáhtaráđi ja politihkalaš njunnoša mediaáššiin. Dasa gullet ee. preassadieđáhusat, preassakonferánssat, čállosat, sáhkavuorut, almmustahttin regjering.no -siidduin ja eará. Gulahallanhoavda lea regjeringen.no departemeanttaid siidduid ovddasvástideaddji doaimmaheaddji.

    Ossodatjođiheaddji: Gulahallanhoavda Hanne Gjørtz

  • Hálddahusossodat

    Hálddahusossodat ovddida stivrenvuogádagaid ja mearrida bajitdási njuolggadusaid departemeantta beaktilis ja oktiiheivehuvvon jođiheapmái. Ossodat áimmahuššá hálddahuslaš áššiid ja fuolaha ahte departemeanta stivrejuvvo gustovaš lágaid ja njuolggadusaid mielde.

    Ossodatjođiheaddji: Veahkkedepartemeantaráđđi Henning Henriksen

  • Siviilaservodat- ja valáštallanossodat

    Ossodat galgá ovddasvástidit stáhtalaš valáštallanpolitihka, ja das lea bajitdási ovddasvástádus koordineret ja ovttastahttit stáhta áššiid eaktodáhtolaš suorggi ektui. Ossodagas lea ovddasvástádus hálddašit Norsk Tipping badjebáhcaga valáštallanulbmiliidda, servodatávkkálaš ja humaniteara organisašuvnnaide ja Friijafondii. Eaktodáhtolašpolitihka bajitdási ovddasvástádus lea earret eará hálddašit lassiárvodivatbuhtadusa eaktodáhtolaš organisašuvnnaide, ja siviilaservodaga ja eaktodáhtolaš suorggi dutkandoaimmaid, eaktodáhtolašregistara ja álkidahttindoaimmaid.

    Ossodatjođiheaddji: Ekspedišuvdnahoavda Lars Audun Granly

  • Oskku, eallinoainnu ja kulturgáhtten ossodat

    Ossodagas lea ovddasvástádus oskku- ja eallinoaidnopolitihkas, riikka politihka arkiiva-, girjerádjosa-, girjjálašvuođa- ja giellasuorggis, ja ovttastahttit kultursuorggi riikkaidgaskasaš áššiid. Dasa lassin lea ossodagas bajitovddasvástádus hálddašit almmolaš hávdebáikkiid ja soahtehávddiid.

    Ossodatjođiheaddji: Ekspedišuvdnahoavda Steinar Larsen

  • Dáidda- ja museaossodat

    Dáidda- ja museaossodagas lea ovddasvástádus ovddidit nationála politihka kultursurggiin nu go musihkka-, lávdedáidda-, visuála dáidda- ja museasuorggis ja eará kulturgáhttendoaimmain. Kultuvra ja ealáhus, dáiddárekonomiija, mánáid- ja nuoraidkultuvra, kulturviesut, eaktodáhtolaš kultureallin, sámi kulturulbmilat ja davviguovlluid kulturáššit gullet maiddái ossodaga ovddasvástádussii. Ossodat hálddaša juolludemiid ja doarjagiid stáhtalaš ja ii-stáhtalaš orgánaide ja ásahusaide, ja guoskevaš lágaid ja njuolggadusaid.

    Ossodatjođiheaddji: Ekspedišuvdnahoavda Christine Hamnen

  • Mediaossodat

    Mediaossodat ovddasvástida mediaáššiid, ruhtaspealuid, vuođđudusaid, filmmaid, dihtorspealuid, dahkkivuoigatvuođaid. Ossodagas lea maid hálddašanovddasvástádus Mediabearráigeahču, Norgga filbmainstituhta ja Lotteriija- ja vuođđudusbearráigeahču dáfus. Ossodat ovddasvástida maid Norsk Rikskringkasting AS, Norsk Tipping AS ja Filmparken AS eaiggátvuođastivrejumi.

    Ossodatjođiheaddji: Doaimmahathoavda Nina Økland