Siviilaservodat- ja valáštallanossodat

Ossodat galgá ovddasvástidit stáhtalaš valáštallanpolitihka, ja das lea bajitdási ovddasvástádus koordineret ja ovttastahttit stáhta áššiid eaktodáhtolaš suorggi ektui. Ossodagas lea ovddasvástádus hálddašit Norsk Tipping badjebáhcaga valáštallanulbmiliidda, servodatávkkálaš ja humaniteara organisašuvnnaide ja Friijafondii. Eaktodáhtolašpolitihka bajitdási ovddasvástádus lea earret eará hálddašit lassiárvodivatbuhtadusa eaktodáhtolaš organisašuvnnaide, ja siviilaservodaga ja eaktodáhtolaš suorggi dutkandoaimmaid, eaktodáhtolašregistara ja álkidahttindoaimmaid.

Ossodaga čuovvovaš sekšuvnnat:

  • SV2

    Sekšuvdna mearrida siviilaservodatsuorggi áššiid ja eaktodáhtolašvuođa rámmaeavttuid. Dat galgá earret eará hálddašit Doarjjajuolludemiid eaktodáhtolašguovddážiidda, Friijafoandda, valáštallanservviid, báikkálaš joavkkuid ja servviid searvadahttindoaimmaid, olgodaddandoaimmaid, ja Eaktodáhtolašvuođajulggaštusa čuovvoleami ja galgá maid álkidahttit stáhta doarjagiid eaktodáhtolaš organisašuvnnaide.

  • SV1

    Sekšuvnnas lea váldoovddasvástádus valáštallansuorggi áššiin. Dan ovddasvástádus lea spealloruđaid juolludit iešguđetlágan doaimmaide, NVL:ii, gielddaid valáštallanrusttegat, rusttetpolitihkalaš prográmmat, láhtut ja idjadanbarttat duoddariin, riddoguovlluin ja muđui. Sekšuvdna galgá maid ovddasvástidit nationála rusttegiid, valáštallanregistariid, stuora valáštallanlágidemiid, ja dopeneastadandoaimmaid. Sekšuvdna ovddasvástida maid eaktodáhtolašregistara, spealloruđaid juolludeami servodatávkkálaš- ja humaniteara organisašuvnnaide, lassiárvodivatbuhtadusa eaktodáhtolaš organisašuvnnaide ja valáštallanrusttegiid huksendoaimmaid.