Skeaŋkanannenortnet

Skeaŋkanannenortnet ásahuvvui jagis 2014. Ulbmil ortnegiin lea movttiidahttit eanet priváhta ruhtadeami dáidagii ja kultuvrii ruhtaskeaŋkkaiguin. Ruhtaskeaŋkkat luvvejit skeaŋkanannema vuostáváldái dábálaččat 25 proseanttain skeaŋkasupmis.

Ortnegii lea čađat leamaš stuora beroštupmi ja searvan, ja dan rájes go lei dušše našuvnnalaš museafierpmádaga museaid várás ja museaide mat ožžot fásta doaibmadoarjaga Sámedikkis, de lea ortnet viiddiduvvon fátmmastit maid skeaŋkkaid buot museaide, musihkka-, girjjálašvuođa- ja lávdedáiddasuorgái, visuála dáidagii ja kulturvisttiide.

Ohcanmeannudeapmi

Skeaŋkanannenohcamat sáddejuvvojit oktan dárbbašlaš dieđuiguin ja duođaštusaiguin Kulturdepartementii. Ohcan merkejuvvo “skeaŋkanannen” ja sáddejuvvot e-poasttain deike: postmottak@kud.dep.no 

Ohcamat meannuduvvojit ja skeaŋkanannemat máksojuvvojit dađistaga dan vuoru mielde movt dievaslaš ohcamat bohtet ja sáhttet dohkkehuvvot. Jus ortnegis nohká  ruhta, de sirdojuvvojit ohcamat mat eai leat meannuduvvon boahtte bušeahttajahkái seamma vuoruheami mielde.

 

Máksojuvvon skeaŋkanannen

Bajás