Energiija- ja čáhceresursaossodat (EČ)

Energiija- ja čáhceresursaossodat galgá ovddasvástidit departemeantta energiijaresurssaid hálddašeami riikkas ja eanaš oasi čázádathálddašeami.

Energiija- ja čáhceresursaossodat galgá ovddasvástidit departemeantta energiijaresurssaid hálddašeami riikkas ja eanaš oasi čázádathálddašeami. Ossodaga vuođđoulbmil lea ovddidit beaktilis resursageavaheami, fápmolágádusa sihkkarvuođa ja birasáššiid.

Ossodagas leat 6 sekšuvnna

  • Resurssat, areála ja biras (RAB)
  • Konsešuvdna ja lobiidčuovvolan ossodat (KL)
  • Fápmomárkansekšuvdna (FM)
  • Energiijaanalysa sekšuvdna (EA)
  • Energiijageavaheami ja elfápmodohkkehusa sekšuvdna (EE)
  • Energiija ja čázádatvuoigatvuođat (EČR)

Ossodaga čuovvovaš sekšuvnnat:

  • Konsešuvdna-, areála- ja birasjuogus (KAB)

    Juhkosa bargosuorgái gullá čáhcefápmorusttegiid, bieggafápmorusttegiid, fápmojohtasiid ja eará energiijarusttegiid konsešuvdnagieđahallan, ja addojuvvon lobiid čuovvoleapmi ja revišuvdna. Muđui gullet deike áššit, mat gusket dulvviide ja uđđasiidda, birasgažaldagaide ja čázádagaid suodjaleapmái. Stivrendialoga Norgga čázádat- ja energiijadirektoráhtain (NVE) gullá juhkosa bargosuorgái.

  • Neahtta-, energiijageavahan- ja márkanjuogus (NEM)

    Neahtta-, energiijageavahan- ja márkanjuhkosis lea ovddasvástádus jođihit ja ovdánahttit Norgga energiijavuogádaga beaktilit ja láhčit diliid beaktilis energiijageavaheapmái.

  • Energiijaanalysajuogus (EA)

    Juhkosa bargosuorgái gullet oppalaš energiijapolitihkalaš áššit ja energiijasuorggi bajitdási áššiid koordineren. Juhkosis lea erenoamáš ovddasvástádus ossodaga analysabargui, nu go ovdánahttit energiijasuorggi metodareaidduid, analyseret fápmo- ja energiijavuogádagaid ovdánahttima oanehit ja guhkit áiggi vuollái, árvvoštallat movt iešguđetlágan gaskaoamit váikkuhit energiijasuorggi ja servodatekonomalaččat árvvoštallat konkrehta doaibmabijuid energiijasuorggis. Juhkosis lea muđui ovddasvástádus koordineret EU/EEO-áššiid ossodagas, ja čuovvulit stuorát, oppalaš njuolggadusaid EU-suorggis.

  • Energiija- ja čázádatvuoigatvuođaid juogus (EČV)

    Juhkosis lea ovddasvástádus hábmet njuolggadusaid energiija- ja čázádatsuorgái. Áigeguovdilis lágat leat gorževuoigatvuođaláhka, čázádatregulerenláhka, čáhceresursaláhka, energiijaláhka, luonddugássaláhka, mearraenergiijaláhka ja elfápmodohkkehusláhka, oktan guoskevaš láhkaásahusaiguin. Ásahus bargá maiddái EEO-rievttálaš geatnegasvuođaid čađahemiin ja čuovvolemiin, oppalaš láhkadulkonáššiiguin ja gulaskuddanáššiiguin ossodaga suorggis.