Juolludeamit sámi doaimmaide bisuhuvvojit

Ráđđehus ii evttot rievdadusaid sámi doaimmaid juolludemiide 2003 rievdaduvvon nášunalbušeahtas. Priváhtta fitnodagaid ja ealáhusaid dihte, lea dárbu doalahit čavges bušeahta vai reantu njiedjá.

-Norges Bank lea vuolidan reantu njealje geardde dan rájes go stáhtabušeahtta mearriduvvui. Dát čájeha ahte Ráđđehusas lea riekta go lea ráddjen almmolaš goluid lassaneami ja jođiha ovddas – vástideaddji ekonomalaš politihka. Lea deaŧálaš muitit ahte reantonjiedjan, mii lei olles 2 proseantačuoggá, maid boahtá buorrin sámi ealáhusaide, suohkaniidda ja bearrašiidda, dadjá stáhtačálli Anders Eira.