Stáhtaministtar dieđiha preassadieđáhusas otne ahte stáhtačálli Anders J. H. Eira lea ohcan ja beassan heaitit árpmuin. Eira bargosuorgi lea leamaš sáme- ja unnitálbmotpolitihkka ja guovlluguovdasaš- ja guovllupolitihkka.

Dan áiggis go son lea leamaš stáhtačállin sáhttá ráđđehus earret eará čujuhit čuovvovaš bohtosiidda guovlluguovdasaš- ja guovllupolitihkalaš suorggis:

• Dásseheivehuvvon bargoaddidivvagiid mearrádus mii dagahii ahte Finnmárkkus ja Davvi-Romssas eai dárbbaš máksit bargoaddidivvaga
• Ovddasvástádusođastus 2003:s mii sisdoallá ahte guovlluguovdasaš- ja guovllupolitihkalaš váikkuhangaskaoamit sirdojuvvojedje guovlluguovdasaš ja báikkálaš dássái
• Nannen Davvi-Romssa ja Finnmárkku doaibmabidjosona, earret eará evttohus 2005' stáhtabušehttii ahte loktet skuvlaloana eretgeassinsupmi 25 000 ruvdnui
• Biebmogeahču guovlluguovdasaškantuvra ásahuvvo Guovdageidnui ja báikkálaš kantuvrrat eará gielddaide
• Snøvit-prošeavtta heiveheapmi
• Nannen rádjagielddaid ovttasbarggu gaskal Norgga ja Suoma

Anders Eira nammaduvvui stáhtačállin 26.10.2001. Son lea deaivamis mobiltelefovnnas 976 78 339 otná rájes tii.14.

• Preassadieđáhus Stáhtaministara kantuvrras
• Preassadieđáhus 2005' stáhtabušeahta birra: Lasihuvvon juolludeamit sámi áššiide 2005:s
• Preassadieđáhus 2005' stáhtabušeahta birra: Lasihuvvon juolludeamit našovnnalaš unnitálbmogiidda 2005:s
• Čalmmuhus dehálaš sámepolitihkalaš áššiin maid ráđđehus lea juksan: Sámepolitihkalaš rehketdoallu. Ovttasbargoráđđehusa álgo duhát beaivvi