Historjjálaš arkiiva

Eambbo sámegiella ODINis

Historjjálaš arkiiva

Almmustahttináigodat Regjeringen Bondevik II

Almmustahtti: Kommunal- og regionaldepartementet

Ráđđehus ovdanbuktá odne ođđa sámegielat siidduid ODINis. Sámegiela sáhttá dál válljet seamma dásis go ođđadárogiela buot departemeantta neahttasiidduin. Ohcanfunkšuvdna lea ráhkaduvvon nu ahte sáhttá ohcat siidduid sámegiela bustávaid geavahettiin. (05.05.2004)

Preassadieđáhus

Nr.: 55/2004
Beaivi: 05.05.2004

[ Norsk versjon ]

Eambbo sámegiella ODINis

Ráđđehus ovdanbuktá odne ođđa sámegielat siidduid ODINis. Sámegiela sáhttá dál válljet seamma dásis go ođđadárogiela buot departemeantta neahttasiidduin. Ohcanfunkšuvdna lea ráhkaduvvon nu ahte sáhttá ohcat siidduid sámegiela bustávaid geavahettiin.

- Mun lean movttet go mii leat oláhan dán, dadjá gieldaministtar Erna Solberg. – Sámegiela eambbo oidnosii buktin almmolašvuođas lea deaŧalaš danne vai olbmot šattaše eambbo dihtomielalažžan sámegiela geavaheami hárrái.

Diimmá guovvamánu 6. beaivvi rahppoje Gielda- ja guovludepartemeantta sámegielat neahttasiiddut. Dál lávke Ráđđehus dobbelii ja dál leat maid bajemus ODIN- siiddut sámegillii.

Go geavaheaddji geahččá odin.dep.no, de lea vejolaš sámegiela válljet, nu mo maid ođđadárogiela. Gielda-ja guovludepartemeanta lea vuos áidna departemeanta mas leat sámegillii siiddut, muhto jagi mielde galget buot departemeanttat ja Stádaministtara kantuvra háhkat sámegielat siidduid.

Dál lea maid ođasin dat ahte lea vejolaš ohcat ODINis sámegillii. Ohcanfunkšuvnna leat buoridan dakkárin ahte das sáhttá geavahit sámegiel bustávaid.

Sámegielat siiddut ráhkaduvvojit dađimielde go eambbo dokumeanttat jorgaluvvojit sámegillii.