Stáhtaráđis lea odne mearriduvvon ođđa njuolggadus Sámedikki válggaid birra.

Njuolggadus čuovvu oppamuddui 2002 válgalága ja 2003 válganjuolggadusa, muhto das leat dárbbalaš heiveheamit sámediggeválggaid ektui.

Deaŧaleamos oasit njuolggadusas mielddisbuktet

• Dainna eavttuin ahte Stuoradiggi čuovvola evttohusa lasihit Sámedikki áirraslogu 39 áirasis 43 áirasii – njeljiin dássenáirasin – de addojuvvojit njuolggadusat dássenáirasiid válljema birra. Dát evttohus lea ovddiduvvon Ot.prp.nr. bokte. 21.
• Sámedikkis lea ovddasvástádus gozihit sámi jienastuslogu ja sáddet jienastuslogu gielddaide
• Sámediggi galgá ráhkadit válgakoarttaid buohkaide geat leat čállojuvvon sámi jienastuslohkui
• Sámedikkis lea ovddasvástádus registreret sámepolitihkalaš bellodagaid ja organisašuvnnaid
• Sámediggi sáhttá mearridit ahte goabbáge sohkabealli galgá leat ovddastuvvon unnimusat 40 proseanttain guđege listoevttohusas
• Sámedikki válgalávdegottis lea ovddasvástádus dohkkehit válgalisttuid ja deaddilit jienastanlippuid
• Jienasteaddjit eai sáhte rievdadit jienastanlippuid
• Jienastettiin válgadikkis galgá geavahuvvot konvoluhtta jienastanlippuide, sihkkarastin dihte ahte jienasteapmi lea čiegus gielddain gos leat unnán olbmot sámi jienastuslogus
• Sámediggeválggaid jienastanlippuid lohkan galgá dahkkot čoahkis guđege válgabiire siskkobealde ovtta gieldda sámi válgastivrra bokte. Seamma válgastivrrat galget maiddái juohkit biireáirasiid.

Od.prp. nr. 21 (2004-2005)