Historjjálaš arkiiva

Ráddehus áigu jorgalit eambbo lágaid ja njuolggadusaid sámegillii

Historjjálaš arkiiva

Almmustahttináigodat Regjeringen Bondevik II

Almmustahtti: Kommunal- og regionaldepartementet

Ráđđehus hálida eambbo lágaid ja njuolggadusaid jorgaluvvot sámegillii, ja lea aitto mearridan buot departemeanttaid galgat guorahallat lágaid ja njuolggadusaid ja dasto ráhkadit jorgalahttinplána ovdal njukčamánu 1. beaivvi 2005. (04.10.2004)

Preassadieđáhus

Nr.: 157/2004
Beaivi: 04.10.2004

[ Norsk versjon ]

Ráđđehus áigu jorgalit eambbo lágaid ja njuolggadusaid sámegillii

Ráđđehus hálida eambbo lágaid ja njuolggadusaid jorgaluvvot sámegillii, ja lea aitto mearridan buot departemeanttaid galgat guorahallat lágaid ja njuolggadusaid ja dasto ráhkadit jorgalahttinplána ovdal njukčamánu 1. beaivvi 2005.

Ráđđehus ávžžuha maiddái vuolit etáhtaid jorgalit eambbo njuolggadusaid ja almmuhusaid.

– Okta ráđđehusa deaŧaleamos sámepolitihkalaš nannensurggiin lea nannet sámegiela. Ráđđehussii lea earenoamáš deaŧalaš ahte sámegiela atnet aktiivvalaččat almmolašvuođas, lohká gielda- ja guovluministtar Erna Solberg. – Go jorgala lágaid ja njuolggadusaid de dat ráhkada buori vuođu dasa ahte sámegiela geavaheapmi leavvá dađistaga eambbo sajiide, dadjá gieldaministtar.

Ovttasráđiid Sámedikkiin álggaha maid ráđđehus sámelága giellanjuolggadusaid árvvoštallama. Eambbo doaimmat mat lasihivčče sámegiela geavaheami guorahallojuvvojit oktanaga dainna árvvoštallamiin.