Sámedikki doaibma 2003
Historjjálaš arkiiva
Almmustahttináigodat Regjeringen Bondevik II
Almmustahtti: Kommunal- og regionaldepartementet
Preassadieđáhus | Almmustahtton: 10.12.2004 | Maŋimuš ođasmahttojuvvon: 24.10.2006
Ráđđehus lea ovddidan St.dieđáhusa nr. 11 (2004-2005) Sámedikki doaibma 2003. Dieđáhus sisttisdoallá maiddái Sámedikki 2003 jahkedieđáhusa. (10.12.2004)
Sámedikki doaibma 2003
Ráđđehus lea ovddidan St.dieđáhusa nr. 11 (2004-2005) Sámedikki doaibma 2003. Dieđáhus sisttisdoallá maiddái Sámedikki 2003 jahkedieđáhusa.
Ráđđehus geavaha liibba komenteret muhtun áššiid maid Sámediggi gieđahallá. – Áiggun erenoamážit fuomášuhttit áŋgiruššamiid sámegiela ovdánahttima ja bieggafápmoáššiid dáfus. Goappaš dáin surggiin lea Ráđđehus olahan buriid bohtosiid mat leat ávkin sápmelaččaide ja sámi kultuvrii, lohká stáhtačálli Ellen Inga O. Hætta.
Doaimmat maid erenoamážit fuomášuhttit, leat:
- Doarjja sámegiela divvunprográmma ráhkadeapmái
- Sámegiel siidduid ásaheapmi ODINis, mii lea Ráđđehusa diehtojuohkinkanála
- Sámegiela gelbbolašvuođaguovddáš ja IT ( www.samit.no)
- Plána jorgalahttit lágaid sámegillii
- Doaibmabijut buoridan dihte dulkaháhkama almmolaš oktavuođain
- Davviriikkaid sámegielbálkášupmi – Gollegiella
- Sámi láhkasániid ovdánahttin
- Sámegiela hálddašanguovllu viiddideapmi
- Ráđđehusa mihttomearrin lea ahte bieggafápmohuksen dáhpáhuvvá guoddevaš vuogi mielde ja ollislaš perspektiivvas, mas maiddái vuohkkasit vuhtii váldá eará areála- ja servodatberoštumiid, lohká Ellen Inga O. Hætta. Ráđđehus áigu ráhkadit njuolggadusaid dasa movt plánet bieggafápmorusttetiid ja mearridit huksenbáikkiid.