Lassijuolludeapmi Sámediggái
Historjjálaš arkiiva
Almmustahttináigodat Regjeringen Bondevik II
Almmustahtti: Kommunal- og regionaldepartementet
Preassadieđáhus | Almmustahtton: 13.05.2005 | Maŋimuš ođasmahttojuvvon: 24.10.2006
- Ráđđehus evttoha lasihit Sámedikki jagi 2005 rámma oktiibuot 1 miljovnnain ruvnnuin. Ruđaiguin galget gokčat Sámedikki lassigoluid dan oktavuođas, go sámedikkeáirasiid lohku lassána 39 áirasis 43 áirasii válggaid maŋŋá ja nannet Sámedikki gozihanortnegiid, gielda- ja guovloministtar Erna Solberg dadjá. (13.05.2005)
Lassijuolludeapmi Sámediggái
- Ráđđehus evttoha lasihit Sámedikki jagi 2005 rámma oktiibuot 1 miljovnnain ruvnnuin. Ruđaiguin galget gokčat Sámedikki lassigoluid dan oktavuođas, go sámedikkeáirasiid lohku lassána 39 áirasis 43 áirasii válggaid maŋŋá ja nannet Sámedikki gozihanortnegiid, gielda- ja guovloministtar Erna Solberg dadjá.
Dan boađusin, ahte sámeláhka rievdaduvvui dán jagi cuoŋománu 15. b., Sámedikkeáirasiid lohku lassána. Sámedikki golut lassánit láhkarievdadeami geažil 400 000 ruvnnuin jagi 2005. Ráđđehus evttoha gokčat lassigoluid divoduvvon našunálabušeahta lassijuolludemiin.
Sámedikki gozihanortnegiid nannemii ráđđehus evttoha lasihit Sámedikki jagi 2005 bušeahta 600 000 ruvnnuin. Das galgá 300 000 ruvnnuin nannet Sámedikki hálddahusa siskkáldas goziheami ja 300 000 ruvnnuin nannet Sámedikki gozihanlávdegotti áššemeannudannávccaid.
Ráđđehus evttoha maid addit Sámediggái 2 miljovnna ruvnno lassijuolludeami Kultur- ja girkodepartemeantta bušeahtas, mainna ruhtadit ođđa máttasámi girjebusse.