Historjjálaš arkiiva

Oahpahuskvalitehtabálkášupmi Sámi allaskuvlii

Historjjálaš arkiiva

Almmustahttináigodat Regjeringen Bondevik II

Almmustahtti: Kommunal- og regionaldepartementet

- Sávvat lihku! Dát bálkášupmi ja gudni Sámi allaskuvlii čájeha ahte allaskuvlla doaibma lea erenoamáš alla dásis, lohká stáhtačálli Ellen Inga O. Hætta. Sámi allaskuvla vuittii dán jagi oahpahuskvalitehtabálkášumi, 500 000 kr. (06.05.2005)

Pressedieđáhus

Nr.: 67/2005
Beaivi: 06.05.2005

[ Norsk versjon ]

Oahpahuskvalitehtabálkášupmi Sámi allaskuvlii

- Sávvat lihku! Dát bálkášupmi ja gudni Sámi allaskuvlii čájeha ahte allaskuvlla doaibma lea erenoamáš alla dásis, lohká stáhtačálli Ellen Inga O. Hætta. Sámi allaskuvla vuittii dán jagi oahpahuskvalitehtabálkášumi, 500 000 kr.

Bálkášupmi addojuvvo ásahusaide mat systemáhtalaččat barget ovdánahttinbargguin ja dađistaga buoridit ja ovdánahttet iežaset oahpahusaid, ja dan geigii Oahpahus- ja dutkandepartemeanta miessemánu 3. beaivvi.

- Bálkášupmi lea vuoitun olles sámi kultuvrii, lohká Hætta. – Go buoridit máhtu ja dieđuid sámi dilálašvuođaid birra ja oainnusin dahkat sámi kultuvrra eanet dutkama ja gaskkusteami bokte, leat mii mielde lágideame dilálašvuođaid dasa ahte sámi álbmot sáhttá sihkkarastit ja ovdánahttit iežas giela, kultuvrra ja servodateallima. Sámi allaskuvla lea bures bargan dán mihttomeari mielde, lohká stáhtačálli Hætta.