Aktiver Javascript i din nettleser for en bedre opplevelse på regjeringen.no

Historjjálaš arkiiva

Odda sámi ofelaccat

Historjjálaš arkiiva

Almmustahttináigodat Regjeringen Bondevik II

Almmustahtti: Kommunal- og regionaldepartementet

Gielda- ja guovlodepartementta ja Sámi allaskuvla leat válljen golbma ođđa sámi ofelačča skuvlajahkái 2005/2006. (30.07.2005)

Pressedieđáhus

Nr.: 171/2005
Dáhton: 30.07.2005

[ Norsk versjon ]

Ođđa sámi ofelaččat

Gielda- ja guovlodepartementta ja Sámi allaskuvla leat válljen golbma ođđa sámi ofelačča skuvlajahkái 2005/2006.

Ođđa sámi ofelaččat leat:

  • Laila Blind Brandsfjell (19), Brekken, Sør-Trøndelag
  • Ándde Somby Sandvik (25), Kárášjohka Finnmárkkus
  • Susanne Amalie Andersen (20), Skánis Romssas

Mii almmuheimmet sin 30. beaivvi suoidnemánus Márkomeanuin Skániin/Evenáššis.

- Ofelaččat bohtet iešguđet sámi guovlluin. Áigumuš lea ahte sii ovttas leat doaimmalaš ja hutkás joavku. Go válljiimet sin, de deattuheimmet mii evttohasaid persovnnalaš iešvuođa, dieđu ja máhtu, gaskkustanmáhtu, hutkáivuođa, áŋgiruššama ja joavkku oppalašvuođa, dadjá gielda- ja guovloministtar Erna Solberg.

- Dát ođđa ofelaččat jotket diimmá jagi ofelaččaid bargguid. Stuora oassi sin barggus lea oahppaladdat joatkkaskuvllaid ja muitalit sámi kultuvrra ja historjjá birra. Lea čájehuvvon dehálažžan sihke oažžut fáktádieđuid sápmelaččaid birra ja dasto ahte sámi nuorat ja eai-sámi nuorat deaivvadit čalmmát. Ofelaččat gaskkustit dieđu dakkár vugiin mii addá buori áddejumi sápmelaččaid ja sámi kultuvrra birra. Ofelaččaid ohcalit, ja das oaidnit man stuora dárbu lea diehtojuohkimii sápmelaččaid ja sámi dilálašvuođaid birra, dadjá Solberg.

Prošeakta Samiske veivisere (sámi ofelaččat) lea ovttasbargu gaskal GGD ja Sámi allaskuvlla Guovdageainnus. Sámi allaskuvla ovddasvástida prošeavtta fágalaččat ja hálddahuslaččat. Prošeakta álggahuvvui jagis 2004, ja bistá jahkái 2007. Prošeavttain áigut gilvit dieđuid sápmelaččaid ja sámi dilálašvuođaid birra joatkkaskuvllaide, organisašuvnnaide ja eará birrasiidda miehtá riikka maid nuorat ovddastit. Mii leat várren ruđa 3' stipendii gitta 150.000,- ruvnno rádjái jahkásaččat.

Bajás