Historjjálaš arkiiva

Bonus go bohccuid njuovvá

Historjjálaš arkiiva

Almmustahttináigodat Regjeringen Bondevik II

Almmustahtti: Landbruks- og matdepartementet

Juolluduvvo 9 milljuvnna ruvnno bonusortnegii mii galgá sidjiide geat unnidit ealuidis. (06.10.2004)

Preassadieđáhus

Nr. 9

Dáhton: 06.10.2004

Oktiiváldinolmmoš:

Ottar Løvik 48140477
Ståle Norang 41438011

Bonus go bohccuid njuovvá

Juolluduvvo 9 milljuvnna ruvnno bonusortnegii mii galgá sidjiide geat unnidit ealuidis.

Lean hirbmáhuvván dan stuora boazologu dihte mii lea osiin Finnmárkkus. Lean sihttán Boazodoallohálddahusa geahčadit makkár eará doaimmaid sáhttá geavahit boazologu- unnidan politihkas, jus eat olát mihtomeriid dákkár ortnegiid čađa, dadjá Eanadoallo- ja biebmoministár Lars Sponheim (V).

Buorit guohtumiid ja miessás jagiid dihte lea boazolohku lassánan. Jus guohtuneatnámat lássašuvvet heajos jagi dihte ja boazolohku lea ain nu stuoris go lea, de sáhttá dat mielddisbuktit surgadis dili boazodollui. Lea dan dihte dehálaš oaččuhit boazologu dasa maid guohtuneatnamat girdet.

Stádabušeahtas 2005:as lea departemeantta evttohan máŋga doaimma mii galgá sihkkarastit njuovvama ja biergojođu mii dárbbašuvvo. Lea evttohuvvon ráddjet 9 milljuvnna ruvnno Boazodoallohálddahusa kapihttalii 1147 mii galgá geavahuvvot Boazodoallostivrra mearrádusa ektui, mii lea alimus boazolohku geasseguohtunguovlluin Oarje Finnmárkkus. Juolluduvvon ruhtá galgá geavahuvvot bonusortnegin ja máksojuvvo sidjiide geat šiehtadusa mielde eaktodáhtolaččat unnidit ealuidis dahje áibbas heitet boazodoaluin. Šiehtadusa eavttuid mielde máksojuvvo vel dasa lassin 5 ruvnno kilos juohke bohcco nammii mii njuvvojuvvo unnideami váras jagi 2004/2005. Njuovvandoarjaga ulbmil lea lasihit njuovvama ja biergojođu, ja addit vejolašvuođa njuovahagaide vurkkodit bohccobierggu.

Dasa lassin leat šiehtadus-bealálaččat ovttaoaivilis ráddjet oktiibuot 8 milljuvnna ruvnno boazodoallošiehtadusa bokte, mii galgá ruhtádit earret eará bohccobierggu márkánfievrredeami, ja daguhit ahte njuovvan lassana.