Historjjálaš arkiiva

Birasgáhttendepartemeantta neahttasiiddut sámegillii

Historjjálaš arkiiva

Almmustahttináigodat Regjeringen Bondevik II

Almmustahtti: Miljøverndepartementet

Birasgáhttenministtar Knut Arild Hareide lea odne rahpan Birasgáhttendepartemeantta interneahttasiidduid Guovdageainnus Finnmárkkus.

Birasgáhttenministtar Knut Arild Hareide lea odne rahpan Birasgáhttendepartemeantta interneahttasiidduid Guovdageainnus Finnmárkkus. www.biras.no lea okta dain vátna domenenamain sámegillii mii lea geavahusas min riikkas, ja lea vuosttaš mii boahtá ovtta departemeanttas. (25.05.05)

Pressemelding

Dato: 25.05.05

Birasgáhttendepartemeantta neahttasiiddut sámegillii

GuovdageainnuBirasgáhttenministtar Knut Arild Hareide lea odne rahpan Birasgáhttendepartemeantta interneahttasiidduid Guovdageainnus Finnmárkkus. www.biras.no lea okta dain vátna domenenamain sámegillii mii lea geavahusas min riikkas, ja lea vuosttaš mii boahtá ovtta departemeanttas.

-neahttačujuhusa www.biras.no galgá leat álki muitit ja mii sávašeimmet neahttasiidu adnošii viššalit, dadjá Knut Arild Hareide.

Sámi neahttasiiddut čuvvot seamma huksehusa ja sisdoalu go Birasgáhttendepartemeantta dárogielat siiddut. Dás gávnnat buori bajilgova departemeantta bargoduovdagiid birra, nu maid leat biddjon dieđut vuollásaš etáhtaid birra.

Kulturmuitoláhka lea gávdnamis aiddo jorgaluvvon sámegillii ja olu eará lágaid ja láhkaásahusaid vuorru lea fargga.

-mii diehtit goit ahte Plána- ja huksenláhka lea jearalmas sámi birrasiin, ja lága Plánaoassi lea vuoruhuvvon vuosttažin go ođđa lágat galget jorgaluvvot, dadjá Hareide.

Neahttasiidduin lea maid fálaldat skuvlanuoraide, mii sáhttá leat ávkin go barget prošeavttaguin birasgáhttema birra.

Gulahallanolmmoš: Diehtojuohkinráđđeaddi Tone Tvevøy, tlf: 41 47 41 84

Govva: Guovdageainnu suohkan