Pressemelding

Nr.: 132/04
Dato: 20.10.04

Ođđa njuolggadusat suodjegahpira geavaheamis mohtorfievrruid vuojidettiin

Dál lea lohpi geavahit dohkkehuvvon alpinsuodjegahpira ovdalii mohtorfievrruide jurddašuvvon suodjegahpira go vuodjá muohtaskohteriin (muohtagielkkain). Ja lea maid mearriduvvon ahte galgá geavahit suodjegahpira go vuodjá golmma- ja njealjejuvllat mohtorsihkkeliin.

Dat lea muhtin deháleamos rievdadusain mat leat rievdaduvvon dan njuolggadusas mii lea dan birra ahte suodjegárvvuid geavahit mohtorfievrruid vuojidettiin. Johtalusdepartemeanta mearridii rievdadusaid njuolggadusas golggotmánu 8. beaivvi 2004, ja dat doaibmagohtet ovttatmano.

Rievdadusat leat dan evttohusa mielde maid Johtalusdepartemeanta ovdal lea leamaš sádden gulaskuddamii. Johtalusdepartemeanta lea dasa lassin háhkan fágalaš árvvoštallamiid go lea sáhka dearvvašvuođa ja geavatlaš unohasvuođain suodjegahpira geavaheamis vuojidettiin muohtaskohteriin. Departemeantta mielas ii leat vuođđu heaittihit suodjegahpirgohččosa maŋŋel daid árvvoštallamiid.

Stáhta geaidnodoaimmahat lea dasa lassin sádden olggos lasi rievdadusevttohusaid go lea sáhka das ahte geavahit suodjebiergasiid mohtorfievrruid vuojidettiin.

Johtalusdepartemeanta áigu máhccat ruovttoluotta rievdadusaiguin, jus dat ležžet, ovdal go jahki 2004 nohká.

Doaimmahussii
Eambbo dieđut – geahča:

NJUOLGGADUS RIEVDAMA BIRRA NJUOLGGADUSAS ČAKČAMÁNU 21. BEAIVVI 1979 NR. 7 MII LEA DAN BIRRA AHTE GEAVAHIT SUODJEBIERGASIID GO VUODJÁ MOHTORFIEVRRUIN

Høring - forslag til endring i forskrift om bruk av personlig verneutstyr under kjøring med motorvogn - implementering av direktiv 2003/20/EF m.m.

Pressemelding av 28. juni 2002: "Frå 1. juli: Nye trafikkreglar – for tryggare kjøyring med snøskuter"