2021 stáhtabušeahtta:
Ráđđehus nanne dáiddárstipeanddaid 100 miljovnnain kruvnnuin
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Preassadieđáhus | Nr: 111/20 | Almmustahtton: 07.10.2020 | Maŋimuš ođasmahttojuvvon: 09.10.2020
Ráđđehus háliida doalahit dáiddáriid buvttadeami ja doaimmaid, ja nu sihkkarastit máŋggabealat dáidda- ja kulturfálaldaga gehččiide miehtá riikka.
– Koronadilli lea čuohcan sakka dáiddáriid bargui, ja mun dieđán ahte bargostipeanddat leat mávssolaččat dáiddáriid doaimmaide. Dáinna lasáhusain mii ovddidit dáiddáriidda bargoeavttuid, mat leat einnostahttibut, dadjá kultur- ja dásseárvoministtar Abid Q. Raja.
Pandemiija oktavuođas juolludedje 2020 reviderejuvvon nationálabušeahta oktavuođas 100 miljovnna kruvnno guovtti gaskaboddasaš ortnegii dáiddáriidda, geat ovdanbuktet ja ráhkadit dáidaga.
2021 bušeahtas ráđđehus árvala joatkit doaimmaid, maiguin doalahit dáiddáriid buvttadeami ja doaimmaid koronadilis. Dáiddárstipeanda nannejuvvo 100 miljovnnain kruvnnuin, mii juolluduvvo bargostipeandan, mii mielddisbuktá 309 gaskaboddasaš juolludeami ortnega olis.
– Dáinna mii sihkkarastit friija ja sorjjasmeahttun kulturdoaimmaid, ja lean movtta go sáhttit joatkit áŋgiruššama dáiddáriid ovdii, geat vásihit váttis dili, dadjá Raja.
Dábálaš dáiddárstipeanddaid bajidit 276 805 kruvnnos 283 210 kruvdnui. Leat maid árvalan njeallje ođđa bistevaš bargostipeandda, nu ahte 2021 sáhttet juolludit 845 dábálaš bargostipeandda 2021 ja 490 guhkesáigodaga stipeandda.