Ođđa arkiivaláhkaásahusa árvalus addá vejolašvuođaid geavahit balvabálvalusaid
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Ođas | Almmustahtton: 24.10.2016 | Maŋimuš ođasmahttojuvvon: 01.11.2016
Almmolaš ásahusat leat daid maŋimuš jagiid geavahišgoahtán elektronalaš arkiivva ja arkiivavurkenvugiid. Danne lea ge dál dárbu ođasmahttit arkiivaláhkaásahusa. Kulturdepartemeanta árvala ahte almmolaš orgánat galget beassat oastit balvabálvalusaid vurket digitála arkiivamateriálaid.
Departemeanta árvala maiddái almmolaš arkiivvaid dálá bienalaš njuolggadusaid sadjái láhkaásahusa mas leat bajitdási gáibádusat. Árvalus láhčá dili dasa ahte almmolaš ásahusat ieža besset organiseret arkiivadoaimmaset nu guhká go dokumeanttat lágiduvvojit ja vurkejuvvojit arkiivalága gáibádusaid vuođul.
Kulturdepartemeanta árvala ahte almmolaš orgánat, jus dat leš sávahahtti, sáhtašedje vurket digitála arkiivamateriálaid Norgga olggobealde. Dat attášii gielddalaš, fylkkagielddalaš ja stáhtalaš ásahusaide ja doaimmahagaide vejolašvuođaid oastit balvabálvalusaid. Árvalus ođasmahtášii arkiivanjuolggadusaid ja nannešii Ráđđehusa Nasjonal strategi for bruk av skytenester (girjegillii) vuoruhemiid.
Gulaskuddanevttohusa gávnnat ráđđehus.no neahttabáikkis (ođđadárogillii)