Mediadoarjja máksojuvvo ovdal go plánejuvvon
Historjjálaš arkiiva
Almmustahttináigodat Solberga ráđđehus
Almmustahtti: Kulturdepartemeanta
Ođas | Almmustahtton: 19.03.2020
Mediabearráigeahčču lea mearridan máksit mediadoarjaga árat go dábálaččat Koronaroasu geažil.
Sihke fidnosuorgeorganisašuvnnat ja mediat geat leat sakka fuolastuvvan leat maŋimuš beivviid váldán oktavuođa Mediabearráigehččiin duođalaš dili geažil, mii čuohcá sihke almmuhusdietnasii ja bargiide.
Aviissat mat ožžot buvttadandoarjaga ja sámi aviisat mat ožžot doarjaga, ožžot dábálaččat nuppi ovdamávssu cuoŋománus. Dál máksojuvvo ovdamáksu juo dán vahkus.
Muhtun smávit aviissat leat dovddahan ahte sidjiide sáhttá šaddat váttisin buvttadit doarvái báberaviissaid juksat boahtte jagi buvttadandoarjaga. Kulturdepartemeanta ja Mediabearráigeahčču áigot oažžut áigái gaskaboddosaš láhkaásahusa, mii dahká vejolažžan spiehkastit dan gáibádusas Koronaroasu geažil.
Mii háliidat veahkehit báikkálaš sáttamediaid mat ožžot doarjaga báikkálaš jietna- ja govvamediaortnega bokte, ja danne mii lasihat vuosttaš mávssu 50 proseanttas 75 prosentii ollislaš doarjjasupmis.
Mediabearráigeahčču áigu maid ložžet gáibádusaid mat gusket ohcamušaid áigemeriide ja raporteremiidda lagamus áiggis.
Mediabearráigeahčču boahtá čuovvut hui dárkilit movt dilli ovdána ovddasguvlui, ja áigu ovttasbarggus Kulturdepartemeanttain árvvoštallat vejolaš ođđa doaibmabijuid jos lea dárbu.