Historjjálaš arkiiva

Mii joatkit studeantaásodagaid huksemiid

Historjjálaš arkiiva

Almmustahttináigodat Solberga ráđđehus

Almmustahtti: Máhttodepartemeanta

Ráđđehus áigi joatkit studeantaásodagaid huksemiid ja nu buoridit studeanttaid oastinnávccaid. -Lassi vuođđodoarjja ja hálbbes ássanbáikkit leat dehálaš doaibmabijut buoridit studeanttaid ekonomalaš dili, cealká máhttoministtar Torbjørn Røe Isaksen.

Ráđđehus áigu boahtte jahkái juolludit doarjaga hukset oktiibuot 2 200 studeantaásodaga. Dál huksejuvvojit eanet studeantaásodaga go goassige ovdal 25 jagis.  

-Boahtte jagi joatkit studeantaviesuid huksendoaimmaid maid jagi 2015 leat soahpan Kristtalaš Álbmotbellodagain ja Gurutbellodagain. Lea hui dehálaš ahte studeanttat besset láigohit hálbbes ásodagaid. Dan geažil áigu ráđđehus huksehahttit eanet ođđa studeantaásodagaid boahtte jagi, dadjá máhttoministtar.

Ráđđehus árvala lasihit doarjaga studeantaásodagaide sullii 300 miljovnna kruvnnuin jagi 2016. 

Lasihat vuođđodoarjaga

Seammás áigu ráđđehus lasihit vuođđodoarjaga 3,1 proseanttain, 10 408 kruvdnui mánnui, ja vurdojuvvon haddegoargŋun lea 2,5 proseantta. Nu ožžot studeanttat eanet ruđa maid sáhttet geavahit. 

-Nu go lohpideimmet Sundvollen-julggaštusas, de lasihat vuođđodoarjaga eanet go haddegoargŋuma, nu go juohke jagi leat dahkan dan áiggis go leat čohkkán ráđđehusas. Buohtastahttin dihte leai studeanttaid oastinnákca seammá dásis miehtá ovddit ráđđehusa áigodaga, dadjá Røe Isaksen. 

Ráđđehus árvala maid lasihit studeanttaid iežasoasi 500 kruvnnuin ruovttumátkkiid oktavuođas.

-Mii oaivvildat ahte lea deháleappot vuoruhit eanet studeantaásodagaid ja lasihit vuođđodoarjaga ovdal go juolludit doarjaga rávisstudeanttaid ruovttumátkkiide, dadjá Røe Isaksen.

RÁĐĐEHUSA STÁHTABUŠEAHTTAÁRVALUS 2016
Eanet ođđa studeantaásodagat
Studeantaásodagat Stoltenberg II ja Solberg-ráđđehusa áigodagas.
Ruten: 2016 bušeahtta: 2200 ođđa studeantaásodaga