Historjjálaš arkiiva

Ođđa boazodoallostivra nammaduvvon

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Eanandoallo- ja biebmodepartemeanta ja Sámediggi leat nammadan ođđa Boazodoallostivrra suoidnemánu 1. b. 2019 rájes juovlamánu 31. b. 2022 rádjái.

− Mun lean ilus go mii ovttas Sámedikkiin dál oažžut ollislaš Boazodoallostivrra sadjái suoidnemánu 1. b. rájes. Boazodoallostivra lea dehálaš orgána boazodoalu hálddašeamis. Vaikko stivra lea ge hálddašanorgána ja meannuda olu ovttaskasáššiid, de lea stivrras maid dehálaš rolla áŋgiruššat eará áigeguovdilis áššiiguin mat leat dehálaččat boazodoalloealáhussii. Mun illudalan ovttasbargat ođđa stivrrain maiddái dakkár čuolmmaiguin, lohká eanandoallo- ja biebmoministtar Olaug Bollestad.

Eanandoallo- ja biebmodepartemeanta lea nammadan čuovvovaš miellahtuid persovnnalaš várrelahtuiguin:

  • Jođiheaddji
    Inge Ryan, ođđa Namsos suohkana ráđđeolmmái.
  • Persovnnalaš várrelahttu:
    Christian Rekkedal, Vestlándda Fylkkamánni eanandoallodirektevra.

Miellahtut:

  • Siri Vigmostad, Larvika diggerievtti sundi.
  • Persovnnalaš várrelahttu:
    Kjetil Linde Holo, advokáhta advokáhtafitnodagas Bjørge – Skaaraas og Co AS.
  • Asgrim Opdal, eanandoalli ja Filefjell boazosearvvi jođiheaddji.
  • Persovnnalaš várrelahttu:
    Ragnhild Nordmann Jakobsen, Vågå boazosearvvi boazovázzi.
  • Ragnhild Sparrok Larsen, boazodoalli Nordlándda boazodoalloguovllus.
  • Persovnnalaš várrelahttu:
    Ole Johan Johnsson Eira, boazodoalli Romssa boazodoalloguovllus.

Sámediggi lea nammadan čuovvovaš miellahtuid persovnnalaš várrelahtuiguin:

  • Inge Even Danielsen, boazodoalli Lulli-Trøndelága/Hedmárkku boazodoalloguovllus.
  • Persovnnalaš várrelahttu:
    Bjørn Thomas Åhrén, sámepolitihkkár/ráđđeaddi, Davvi-Trøndelága boazodoalloguovlu.
  • Inger Marie Gaup Eira, vuosttašamanueansa Sámi allaskuvllas/boazodoalli Oarje-Finnmárkku boazodoalloguovllus.
  • Persovnnalaš várrelahttu:
    Inger Marit Eira Åhrén, buohccidivššár/boazodoalli Davvi-Trøndelága boazodoalloguovllus.
  • Leif Anders Somby, boazodoalli Nuorta-Finnmárkku boazodoalloguovllus.
  • Persovnnalaš várrelahttu:
    Anders Somby jr., boazodoalli Nuorta-Finnmárkku boazodoalloguovllus.

Boazodoallostivra

Boazodoallostivra lea almmolaš hálddašanorgána. Boazodoallostivra galgá čađahit moanat bargguid boazodoallolága bokte ja mielde, ja galgá veahkehit eiseválddiid olahit boazodoallopolitihka bajit mihtuid maid Stuoradiggi lea mearridan. Dasa lassin galgá stivra leat fágalaš ráđđeaddi boazodoallohálddašeapmái, boazodutkamuššii ja bagadusbálvalussii.

Boazodoallostivrras galget leat čieža lahtu ja persovnnalaš várrelahtu, masa Eanandoallo- ja biebmodepartemeanta nammada njeallje lahtu várrelahtuiguin, ja Sámediggi nammada golbma lahtu várrelahtuiguin. Boazodoallolága § 71 mielde, Boazodoallostivrra nammadeami oktavuođas galgádeattuhit govttolaš ovddasteami iešguđet guovlluin, viiddis fágalaš duogáža ja servodathárjáneami, ja nu ovtta meari olbmuid goappá nai sohkabealis go vejolaš.

Norgga Boazosápmelaččaid Riikasearvi (NBR) lea evttohan lahtuid Boazodoallostivrii.