Historjjálaš arkiiva

Stáhta fálaldat boazodoallošiehtadallamiidda

Historjjálaš arkiiva

Almmustahttináigodat Solberga ráđđehus

Almmustahtti: Eanandoallo- ja biebmodepartemeanta

Stáhta šiehtadallanlávdegoddi lea odne ovddidan iežas fálaldaga 2021/2022 Boazodoallošiehtadallamiidda. Fálaldaga ollislaš rámma lea oktiibuot 152,2 miljovnna kruvnnu.

Stáhta šiehtadallanlávdegotti fálaldaga ekonomalaš rámma 2021/2022 Boazodoallošiehtadussii lea 52,2 milj. kruvnnu. Dat lea 2,7 milj. kruvnnu lassáneapmi dálá boazodoallošiehtadusa ektui.   

Solberg ráđđehus lea iežas áigodagas bidjan návccaid dasa ahte doaimmat heivejuvvojit boazoeaiggádiidda geain boazodoallu lea váldoealáhus, ja nannen doaimmaid vai boazodoalloealáhus ovdána ceavzilis ealáhussan guhkesáiggi perspektiivvas.  Stáhta fálaldagas joatkit namuhuvvon vuoruhemiid njuolgga ja goluidunnideaddji doarjagiid bokte, ja láhčit vejolašvuođaid lassiealáhusaide mat lunddolaččat gullet boazodollui, ja doaibmabijuid mat ovddidit buresdoaibmi márkanvuđot bohccobiergomárkana.

-Stáhta fálaldagas lea čielga profiila. Lassin dan ahte nannet boazoeaiggádiid geain boazodoallu lea váldoealáhus, de áigut mii dán jagi maid vuoruhit doaimmaid várjalit boazodoalu eatnamiid, ja dálkkádatheivehallan- ja gearggusvuođadoaimmaid, ja maiddái doaimmaid veahkehan dihte Norgga boazoorohagaid mat šaddet gillát váilevaš Norgga- Ruoŧa boazoguohtunkonvenšuvnna geažil.  Dáinna fálaldagain joatkit ráđđehusa boazodoallopolitihka, dadjá Stáhta šiehtadallanlávdegotti jođiheaddji, ekspedišuvdnahoavda Viil Søyland. 

Boazodoallošiehtadusa šiehtadallamat álggahuvvojit guovvamánu 2.beaivvi ja boazodoalu Váldošiehtadusa mearrádusaid mielde galget šiehtadallamat loahpahuvvon guovvamánus.