Stáhta fálaldat eanadoallošiehtadussii 2016: Buorre vuođđu buoridit biebmobuvttadeami
Historjjálaš arkiiva
Almmustahttináigodat Solberga ráđđehus
Almmustahtti: Eanandoallo- ja biebmodepartemeanta
Preassadieđáhus | Nr: 1 | Almmustahtton: 04.05.2016 | Maŋimuš ođasmahttojuvvon: 09.05.2016
Biebmobuvttadan- ja haddelassáneami prognosaid vuođul fállá stáhta 90 miljovnna kruvnnu sturrosaš rámma 2016 eanadoallošiehtadussii.
- Stáhta fálaldat 2016 (pdf)
Eanadoalu tienaslassáneapmi 2014 rájes 2016 rádjai lea meroštallojuvvon 15 prosentii. Stáhta dán jagi fálaldagas meroštallojuvvo ahte tienas lassána 1 1/2 proseantta 2016 rájes 2017 rádjai. Lassáneapmi 2014 rájes 2016 rádjai lea 2 ½ proseantačuoggá eanet go dat maid diibmá šiehtadeimmet. Oktan stáhta 2017 fálaldagain einnostuvvo ahte gaskamearálaš tienas juohke jagi lea lassánan 5 ¼ proseanttain dán ráđđehusa vuolde. Seamma áigodagas leat eará joavkkuid prognosat juohke jagi leamaš 2 ½ proseantta seamma áigodagas.
Geahča stáhta šiehtadallanjođiheaddji Leif Forsell ovdasága preassakonfereanssas::
Árvaluvvo lasihit mihttohattiid 125 miljovnna kruvnnuin, ja bušeahttadoarjaga vuolidit 70 miljovnna kruvnnuin. Mihttohattiid lassáneapmi addá jahkásaččat 50 kruvnnu gaskamearálaš dállodollui dahje 25 kruvnnu juohke olbmui.
Fálaldat vuhtiiváldá maid ekonomalaš dili, nugo bušeahttahástalusaid lassáneaddji bargguhisvuođa geažil, báhtareddjiiddili ja bálkálassáneami geahpedandárbbu, mat dán jagi bálkášiehtadallamiidda leat váikkuhan.
Dán jagi ekonomalaš dilli lea heajut go diibmá, ja vuollegis vuođđoávnnashattit Eurohpás dahket dárbbašlažžan ložžet bálká- ja golloovdáneami bisuhit gilvonávccaid ja lasihit buvttadeami, ráđđehusa ulbmiliid mielde, cealká stáhta šiehtadallanjođiheaddji, departemeantaráđđi Leif Forsell. – Seammás lea eanadoallu bures ovdánan ja tienas lea maid lassánan bures maŋimuš guokte jagi, dadjá Forsell.
Eanet guođohit ja eanet šibitbiergu
Stáhta sirdá 14 miljárdda kruvnnu bušeahttarámma siskkobealde, vai lea vejolaš juksat ulbmilolahuseavttuid ja lasihit biebmobuvttadeami. Eanadoalus ferte buvttadeami nannet, ja nu ferte ge eanet buvttadit gortni ja šaddobuktagiid dábálaš gordnešaddadanguovlluin, ja oapmešibitbuktagiid doaresbealeguovlluin.
-Gordnebuvttadeami movttiidahttima várás evttohat lasihit gordnehattiid, lasihit areáladoarjaga gordnebuvttadeapmái ja unnidit doarjaga suoidnebuvttadeapmái gordneguovlluin. Stáhta áigu maid movttiidahttit eanet guođohit ja geavahit meahcceresurssaid, ja vuoruha árvoráhkadeami ja šibitbierggu kvalitehta, joatká Leif Forsell.
Investerendárbu
Stáhta árvala lasihit investerendoarjaga eanet go dan maid eanadoallu gáibida dan sivas go mielkebuvttadeamis leat stuora investerendárbbut, ja go ulbmil lea háhkat eanet eanadolliid.
Eanadoallodieđáhus Stuoradiggái
Eanadoallo- ja biebmodepartemeanta lea dál bargamin ođđa eanadoallodieđáhusain mii galgá ovddiduvvot Stuoradiggái. Stuoradikki láidestemiid mielde čielggaduvvojit erenoamážit márkandássádallan, mielkebuvttadanguovllut ja álkidahttindoaimmat. Maiddái dálkkádatgažaldagat, muhto stáhta dattege árvala fálaldagas doaibmabijuid buoridit máhtolašvuođa eanadoalu vurkemiid ja luoitimiid birra, vai eanadoallu nagoda dustet dálkkádathástalusaid.
- Geahča tabeallaid (pdf)