Boazodoallopolitihka strategiijat ja doaibmabijut

Boazodoallopolitihkalaš mihttomearit

• Vuoruhit ekologalaš ceavzilvuođa boazodoallolága ulbmilparagráfas,
• Sámediggi ja Norgga Boazosápmelaččaid Riikkasearvi bovdejuvvoba searvat guorahallat  boazodoallopolitihka sisdoalu mas mihttomearit leat golmma oasis.  

Buoret resursahálddašeapmi

• Ovttaskas boazoeaiggáda boazolohku galgá almmuhuvvot siskkáldasat boazodoalus ja bákkolaš indiviidamerken galgá čađahuvvot dađis.
• Teknologiija geavaheami heivehit doibmii ja resursahálddašeapmái, earret eará geahpedan várás bohccuid vuddjomis togaide.
• Joatkit vuoruhit doaibmabijuid mat geahpedit massimiid, sihke boazodoallofágalaš ja boraspirehálddašeamis.
• Heivehit gearggusvuođadoaimmaid boazoguohtunguovlluin molsašuddi dálkkiid ja guohtumiid ektui.
• Čađahit doaimmaid amas váralaš CWD-dávda ii njoamo viidáset árbevirolaš boazoguohtunguovlluide.

Boazodoalu árvogoallus

• Váikkuhit dasa ahte loktet árvoháhkama priváhta njuovvanbohccuid ja bohccobierggu vuovdima bokte,  geavaheaddji galgá oažžut oadjebas biebmu ja bázahusat galget hálddašuvvot nu ahte eai billis luonddu.
• Njuovvan bohccuid čavgadis raporterema bokte nannet márkandoaimmaid, ja bálkkašit kvalitehtabierggu ođđa klassifiserenvuogádaga bokte.
• Váikkuhit dasa ahte bohccobiergosuorgi šaddá eanet fitnolažžan buoridettiin  gelbbolašvuođa ja bagadeami gávpedoaimmas ja márkandoaimmas.
• Váikkuhit dasa ahte borramušsuorgi boazodoallovuđot mátkeealáhusas joatkašuvvá ja nannejuvvo.
• Váikkuhit dasa vai lassibuktagiid sáhttá álkibun vuovdit márkaniidda mat leat gergosat máksit.   

Bearašboazodoallu

• Váikkuhit bearašboazodoalu positiiva ovdáneapmái ja láhčit dili nu ahte muhtun oasi sisaboađus sáhttá viežžat doaimmain mat lunddolaččat gullet boazoealáhussii.
• Váikkuhit dasa ahte ásahit oahppan- ja fuolahusvuđot bálvalusaid ja iešguđetlágan mátkeealáhusfálaldagaid mat gusket boazodollui.

Boazodoallošiehtadus

• Vuoruhit ealáhusvuđot doaibmabijuid mat movttiidahttet ovddidit ekologalaš ceavzilis, buvttadanvuđot, gánnáhahtti ja márkanguvllot boazodoalu.
• Vuoruhit čatnat njuolggodoarjagiid klassifiserenvuogádahkii bálkkašan dihte buori boazodoalu ja kvalitehtabierggu buvttadeami.

Guohtumat rádjeguovlluin

• Árjjálaččat bargat dan guvlui ahte ruoŧa eiseválddit nu johtilit go vejolaš ožžot sadjái ođđa Norgga ja Ruoŧa gaskasaš boazoguohtunkonvenšuvnna.
• Čuovvulit ođđa Norgga-Suoma boazoáidekonvenšuvnna, nu go hukset rádjeáiddi dien guovtti riikka gaskka.

Boazodoallohálddašeapmi

• Dás árvaluvvojit molssaevttolaš čovdosat boahtteáiggi hálddašanstruktuvrii, erenoamážit Boazodoallostivrra doibmii ja rollii.
• Mihttomearri lea ahte byrokratiija galgá šaddat ain beaktileappot ja njuovžileappot. Dás árvaluvvojit čovdosat boahtteáiggi hálddašanstruktuvrii, erenoamážit  Boazodoallostivrra doibmii ja rollii.