Historjjálaš arkiiva

Stáhta bearranguovddáš šaddá Vearroetáhta oassin

Historjjálaš arkiiva

Almmustahttináigodat Solberga ráđđehus

Almmustahtti: Ruhtadandepartemeanta

Ráđđehus áigu beavttálmahttit ja álkidahttit almmolaš sektora. – Mii áigut buoridit almmolaš gáibádusaid bearrama ja árvalit, ahte Stáhta bearranguovddáš (Statens Innkrevingssentral, SI) šaddá Vearroetáhta oassin. Mii áigut maid čielggadit galggašiigo dokumeantadivada hálddašeami sirdit Kártadoaimmahagas Vearroetáhtii, ruhtadanministtar Siv Jensen dadjala.

Ráđđehus áigu beavttálmahttit ja álkidahttit almmolaš sektora. – Mii áigut buoridit almmolaš gáibádusaid bearrama ja árvalit, ahte Stáhta bearranguovddáš (Statens Innkrevingssentral, SI) šaddá Vearroetáhta oassin. Mii áigut maid čielggadit galggašiigo dokumeantadivada hálddašeami sirdit Kártadoaimmahagas Vearroetáhtii, ruhtadanministtar Siv Jensen dadjala.

Dáid evttohusaiguin Ráđđehus čuovvola áigumušaid, maid ulbmilin lea buoridit vearro- ja divathálddašeami, ja mat ovdanbuktojedje njeallje vahku dassái.

- Ulbmilin lea geavahit resurssaid beaktileappot ja ráhkadit Norgga bearransuorggi hálddašeami beaktilabbon ja ollislaččabun. Rievdadusaid čuovvumuššan relevánta fágabirrasiid gaskii šaddá buoret ovttasdoaibman, nu ahte sáhttit meannudit áššiid ovttadássásaččat ja šaddá buoret riektesihkarvuohta sidjiide, geat leat velggolaččat, ruhtadanministtar čilge.

Stáhta bearranguovddáš lea jagiid mielde čohkken nana ja buori fágabirrasa bearransuorggis. Stáhta bearranguovddáš doalaha namas ja lea dás duohko ain Raanes (Mo i Ranas). Rievdadusaid geažil eai cealkke bargiid eret, muhto baicce nannejit fágabirrasiid.

Vearroetáhta ja Stáhta bearranguovddáš galget ovttas guorahallat mo rievdadus ollašuhtto, ja mo olbmuiguin gulahallan ja doaimmaid organiseren galgá láhččojuvvot oanehis ja guhkes áigodagas. Rievdadus čađahuvvo ođđajagemánu 1. beaivvi 2015 rájes.

Seammás johttáhit čielggadanbarggu, man ulbmilin lea sirdit dokumeantadivada hálddašeami Kártadoaimmahagas ja Duollo- ja divatdirektoráhtas Vearroetáhtii. Dokumeantadivadiin čoahkkana stáhtii sullii 8 miljárdda kruvnno boahtun juohke jagi ja dat lea áidna sierradivat, mii berrojuvvo eará sajis, go Ruhtadandepartemeantta vuollásaš etáhtaid bokte. Vearuid ja divadiid hálddašeapmi lea Vearroetáhta váldobargu. Vearrodirektoráhtta, Kártadoaimmahat ja Duollo- ja divatdirektoráhtta galget ovttas čielggadit ášši ja geigejit ávžžuhusaset 2014 áigge.