Jagi 2019 reviderejuvvon nationálabušeahtta:
Alkoholadivat geahpeduvvo siderjuhkosiin ja sullasaččain mat buvttaduvvojit smávva fitnodagain
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 41/2019 | Almmustahtton: 14.05.2019
Ráđđehus evttoha geahpedit alkoholadivada siderjuhkosiin ja sullasaš alkoholajuhkosiin mat buvttaduvvojit smávva fitnodagain. – Ovttalágan meannudeami vuhtiiváldima geažil lea govttolaš ahte divatgeahpádus guoská maiddái eará sullasaš juhkosiidda go vullii, dadjá ruhtadanministtar Siv Jensen (OvB).
Alkoholadivat lea geahpeduvvon vuolas mii buvttaduvvo smávva vuollavuoššanfitnodagain. Nu go vuolas mas alkoholaproseanta lea gaskal 3,7 ja 4,7.
– Evttohus movttiidahtášii báikkálaš fitnodagaid buvttadit ođđa šlájaid, eanet siderjuhkosiid ja sullasaš alkoholajuhkosiid, lohká ruhtadanministtar Siv Jensen.
Divatnjuolggadusat smávva vuoššanfitnodagaid várás ledje gulaskuddamis čakčat 2017. Vin- og brennevinsleverandørenes forening (VBF) ja Bryggeri- og drikkevareforeningen (BROD) gulaskuddancealkámušain bođii ovdan ahte dálá njuolggadusaid mielde meannuduvvojit ovttalágan alkoholajuhkosiid divadat iešguđet láhkai.
Ráđđehus evttoha dál ahte ortnet maiddái galgá gustot siderjuhkosiidda ja sullasaš juhkosiidda main lea seamma alkoholaproseanta go vuolas. Rievdadus fápmuduvvo suoidnemánu 1.b. 2019.
Loga eanet: