Jagi 2019 reviderejuvvon nationálabušeahtta:
Geardedivat heaittihuvvo biillain mat leat boarrásut go 20 jagi
Historjjálaš arkiiva
Almmustahttináigodat Solberga ráđđehus
Almmustahtti: Ruhtadandepartemeanta
Preassadieđáhus | Nr: 39/2019 | Almmustahtton: 14.05.2019
Ráđđehus evttoha heaittihit geardedivada biillaide mat leat boarrásut go 20 jagi. – Dál čuovvulat Granavolden-cealkámuša ja heaittihat geardedivada biillaide mat leat boarrásut go 20 jagi, lohká ruhtadanministtar Siv Jensen (OvB).
Geardedivat máksojuvvo go biila vuosttas geardde registrerejuvvo ja dan ferte máksit eanaš mohtorfievrruid ovddas, earret lossa lástabiillaid ja bussiid. Geavahuvvon biillat mat buktojuvvojit Norgii ožžot divatgessosa proseantalogu vuođul mii rehkenastojuvvo biilla agi mielde.
Geardedivada ii dárbbaš máksit mohtorfievrruid ovddas mat leat boarrásut go 30 jagi, muhto dušše ráhtomáksodivada. Granavolden-cealkámušas lea mearriduvvon ahte ráđđehus áigu “heaittihit geardedivada badjel 20 jagi boares biillain”.
– Ráđđehus evttoha dál heaittihit geardedivada buot mohtorfievrruin mat leat boarrásut go 20 jagi. Dat mearkkaša ahte dalle lea lohpi badjel 20 jagi boares biillaid ja mohtorsihkkeliid buktit Norgii maid ovddas ii dárbbaš máksit geardedivada, dušše ráhtomáksodivada, lohká ruhtadanministtar.
Ráhtomáksodivat jotkojuvvo rievddatkeahttá.
Rievdadusat doaibmagohtet suoidnemánu 1.b.2019 rájes ja gustojit buot mohtorfievrruide mat 2019:s leat boarrásut go 20 jagi.
Loga eanet: